فوتو: اشىق دەرەككٶز
قازاقستاندا قىلمىستىق كٸرٸستەردٸ زاڭداستىرۋعا قارسى كٷرەس اياسىندا ٸرٸ كريپتوۆاليۋتا ارنالارىنىڭ بٸرٸ جويىلدى, دەپ حابارلايدى Ult.kz. بۇل تۋرالى قازاقستان رەسپۋبليكاسىنىڭ قارجىلىق مونيتورينگ اگەنتتٸگٸ مەلٸمدەدٸ.
ۆەدومستۆو دەرەگٸنشە, تمد كەڭٸستٸگٸندەگٸ ٸرٸ كٶلەڭكەلٸ كريپتوسەرۆيستەردٸڭ بٸرٸ — «RAKS Exchange» قىزمەتٸ توقتاتىلعان. اتالعان پلاتفورما تسيفرلىق اكتيۆتەر ارقىلى قاراجاتتى قولما-قول اقشاعا اينالدىرۋمەن جەنە قىلمىستىق كٸرٸستەردٸ جىلىستاتۋمەن اينالىسقان.
تەرگەۋ بارىسىندا بۇل كريپتوالماستىرعىش ارقىلى قازاقستان, رەسەي, ۋكراينا جەنە مولدوۆا اۋماعىندا ەرەكەت ەتكەن 200-دەن استام ەسٸرتكٸ ينتەرنەت-دٷكەندەرٸنٸڭ ترانزاكتسييالارى ٶتكەنٸ انىقتالدى. پلاتفورمانىڭ جالپى اينالىمى 224 ملن اقش دوللارىنان اسقان.
اۋقىمدى كريپتوتەرگەۋ كەزٸندە Follow the Money تەسٸلٸ قولدانىلىپ, ەسٸرتكٸ اينالىمىنا جەنە داركنەت الاڭدارىنىڭ جۇمىسىنا قاتىسى بار 4 مىڭنان استام كريپتوەمييانعا بلوكچەين-تالداۋ جٷرگٸزٸلگەن.
نەتيجەسٸندە جالپى سوماسى 9,7 ملن USDT-تەن اساتىن تسيفرلىق اكتيۆتەر بۇعاتتالدى. قازٸرگٸ تاڭدا ونىڭ 3,2 ملن USDT-ٸ تەركٸلەنٸپ, قىلمىستىق جولمەن الىنعانى دەلەلدەنگەن قاراجات اگەنتتٸكتٸڭ ارنايى شوتىنا اۋدارىلعان.
اگەنتتٸك مەلٸمەتٸنشە, جٷرگٸزٸلگەن وپەراتسييالار نەتيجەسٸندە ازاماتتاردىڭ دەنساۋلىعىنا قاۋٸپ تٶندٸرگەن ٸرٸ ەسٸرتكٸ جەتكٸزۋ ارنالارى توقتاتىلىپ, تاراتۋ ينفراقۇرىلىمى جويىلعان. سونداي-اق بٸرقاتار ەسٸرتكٸ ينتەرنەت-دٷكەندەرٸنٸڭ قىزمەتٸ تولىقتاي توقتاتىلعان.
قازٸرگٸ ۋاقىتتا اتالعان باعىتتاعى جۇمىستار جالعاسىپ جاتىر.
