قازاقستاندا كوروناۆيرۋسكە شالدىققانداردىڭ 70 پايىزىندا اۋرۋ سيمپتومى بايقالماعان. بۇل تۋرالى قر دەنساۋلىق ساقتاۋ مينيسترٸ ەلجان بٸرتانوۆ ايتتى, دەپ حابارلايدى "ۇلت اقپارات".
«ناۋقاستاردىڭ اراسىندا اۋىرعان, سيمپتوممەن كەلگەن ادامداردىڭ سانى 15-16 پايىز كٶلەمٸندە. ال 70 پايىز ناۋقاس سيمپتومسىز تٸركەلگەن. سەبەبٸ بۇل ناۋقاستاردى تابۋ ٷشٸن دەنساۋلىق ساقتاۋ مينيسترلٸگٸ جەنە جەرگٸلٸكتٸ ەكٸمشٸلٸكتەر الدىن الۋ سكرينينگٸن ٶتكٸزٸپ جاتىر. پرەزيدەنتتٸڭ تاپسىرماسى بويىنشا قازٸرگٸ كٷنٸ سكرينينگتٸڭ كٶلەمٸن تەۋلٸگٸنە 25 مىڭ تەستكە ارتتىردىق. باستاپقى كەزدە كٷنٸنە 3-4 مىڭ عانا بولعان ەدٸ. جالپى وسى ەپيدەمييا باستالعاننان بەرٸ ەلٸمٸزدە 711 مىڭ تەست ٶتكٸزٸلدٸ. ولاردىڭ 260 مىڭنان استامى, ياعني 40 پايىزىن الدىن الۋ سكرينينگٸ دەپ ايتۋعا بولادى», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگ بارىسىندا.
مينيستر ٷلكەن ۇجىمداردا, مەديتسينالىق مەكەمەلەردە, ەلەۋمەتتٸك ۇيىمداردا سكرينينگ ٶتكٸزٸلٸپ, بٸراز ناۋقاستىڭ تابىلعانىن جەنە ولار وقشاۋلاندىرىلعانىن اتاپ ٶتتٸ.
«بۇل - ٶتە ماڭىزدى مەسەلە. ەرينە, كٶپ جاعدايدا ازاماتتار: «مەن اۋىرمايمىن, ەشقانداي سيمپتومى جوق. نەگە مەنٸ كارانتينگە نەمەسە اۋرۋحاناعا جاتقىزادى?» دەپ سۇراپ جاتىر. ونىڭ سەبەبٸ - وسىنداي سيمپتومسىز اۋرۋلار باسقا ازاماتتارعا ينفەكتسييانى جۇقتىرۋى مٷمكٸن. ول بەلگٸلٸ جاعداي. دٷنيەجٷزٸندە دەنساۋلىق ساقتاۋ ۇيىمىنىڭ كەڭەسٸ بويىنشا, باسقا دا عىلىمي زەرتتەۋ جۇمىستارىنىڭ نەگٸزٸندە سيمپتومسىز ازاماتتاردى وقشاۋلاۋعا جٸبەرۋٸمٸز قاجەت. بۇرىن بٸز ولاردى اۋرۋحاناعا جاتقىزعانبىز. قازٸر مٷمكٸندٸك بولسا ٷيلەرٸندە نەمەسە ارنايى كارانتيندٸك ستاتسيونارلارعا جاتقىزىپ, باسقا ادامداردان بٶلەكتەۋٸمٸز قاجەت», - دەدٸ ول.
ونىڭ اتاپ ٶتۋٸنشە, كەيبٸر مەملەكەتتە بۇل سيمپتومسىز ناۋقاستاردى ەسەپكە المايدى. جالپى ستاتيستيكاعا كٸرگٸزبەيدٸ.
«بٸز بۇل دۇرىس ەمەس دەپ ويلايمىز. قازاقستاندا بارلىق تٸركەلگەن ناۋقاستاردى, جۇقتىرعان ناۋقاستاردى ەسەپكە كٸرگٸزٸپ, سانايمىز. قازٸر ناۋقاستاردىڭ ٶسٸمٸن كٶرٸپ وتىرمىز. ونىڭ سەبەبٸ - الدىن الۋ. جۇقتىرعان ازاماتتاردى تاۋىپ, وقشاۋلاۋعا جٸبەرسەك, بۇل ٸندەتتٸ توقتاتۋعا مٷمكٸندٸك بار», - دەدٸ ەلجان بٸرتانوۆ.
