قازاقستاندا دا جەڭٸس كٷنٸنە ارنالعان شەرۋ بولمايدى. ال وتان قورعاۋشىلار كٷنٸنە ارنالعان شارالاردىڭ باسىم بٶلٸگٸ ونلاين فورماتتا ٶتەدٸ, دەپ حابارلايدى "ۇلت اقپارات" قر قورعانىس مينيسترلٸگٸنە سٸلتەمە جاساپ.
قر قورعانىس مينيسترلٸگٸ تەربيە جەنە يدەولوگييالىق جۇمىستار دەپارتامەنتٸنٸڭ ٶكٸلٸ, پولكوۆنيك ۆيتاليي اداموۆيچ مەرەكەگە وراي قالالار مەن ٶڭٸرلەردە شاعىن شەرۋلەر ۇيىمداستىرىلا ما دەگەن سۇراققا جاۋاپ بەردٸ.
«ەرينە, قارۋلى كٷشتەر ارداگەرلەرٸنە قۇرمەت كٶرسەتۋ سانيتارلىق-ەپيدەميولوگييالىق تالاپتاردى ەسكەرە وتىرىپ, ەلٸمٸزدٸڭ بارلىق ٶڭٸرلەرٸندە ٶتەدٸ. ياعني, ٸس-شارالار نەگٸزٸنەن ونلاين فورماتتا ٶتەدٸ. وعان قوسا بٸزدٸڭ «جاس سارباز» قوزعالىسى بٸرقاتار شارالار جوسپارلاپ وتىر. جاس پاتريوتتار دا قارۋلى كٷشتەردٸڭ ارداگەرلەرٸن قۇتتىقتايدى. ەر ٶڭٸردٸڭ ەپيدەميولوگييالىق جاعدايى (قىزىل, سارى, جاسىل ايماقتار) مٷمكٸندٸك بەرسە, تيٸستٸ سالتاناتتى جينالىستار ٶتكٸزٸلٸپ, ارداگەرلەر ەسكەري بٶلٸمدەرگە شاقىرىلادى, وندا قىزمەت ەتۋ تەجٸريبەسٸ تۋرالى ايتادى. نەگٸزگٸ ۇيىمداستىرىلاتىن ٸس-شارالار وسى», - دەدٸ ۆيتاليي اداموۆيچ ۆەدومستۆونىڭ ونلاين-بريفينگٸندە.
سپيكەر مەرەكەلٸك ٸس-شارالار ەلەۋمەتتٸك جەلٸلەردەن كٶرسەتٸلە مە جەنە ولاردى قازاقستاندىقتار كٶرە الا ما دەگەن سۇراققا دا جاۋاپ بەردٸ.
«7 مامىر جەنە ۇلى وتان سوعىسىنداعى جەڭٸس كٷنٸ – بارلىق قازاقستاندىقتار ٷشٸن ايتۋلى كٷندەر. ەرينە, بٸز رەسپۋبليكالىق تەلەارنالاردا دا, قورعانىس مينيسترلٸگٸنٸڭ Youtube-ارناسىندا دا, «جاس سارباز» قوزعالىسىنىڭ Youtube-ارناسىندا جەنە باسقا دا ەلەۋمەتتٸك جەلٸلەردە بٸرقاتار كٶرسەتٸلٸم جوسپارلادىق. بٸز قارۋلى كٷشتەردٸڭ ارداگەرلەرٸ مەن ۇلى وتان سوعىسىنىڭ ارداگەرلەرٸنە قۇرمەت كٶرسەتۋ ٷشٸن ٶتكٸزٸلەتٸن بارلىق شارالاردى كٶرسەتۋگە تىرىسامىز», - دەپ اتاپ ٶتتٸ اداموۆيچ.
سونىمەن بٸرگە, قازاقستاندىقتار 7 مامىردا ساعات 15.30-دا «حابار» تەلەارناسىنان كٶرسەتٸلەتٸن مەرەكەلٸك باعدارلامانى تاماشالاي الادى.
