ەلٸمٸزدە تٸركەلگەن 3,9 ملن اۆتوموبيلدٸڭ 64 پايىزىندا پايدالانۋ مەرزٸمٸ 10 جىلدان اسقان. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتىپ بەردٸ, دەپ حابارلايدى قازاقپارات.
«قازٸرگٸ ۋاقىتتا اۆتوكٶلٸك اتموسفەرالىق اۋانى لاستاۋدىڭ نەگٸزگٸ كٶزدەرٸنٸڭ بٸرٸ بولىپ وتىر. ونىڭ سەبەپتەرٸنٸڭ بٸرٸ – اۆتوكٶلٸك قۇرالدارىنىڭ توزۋى. تٸركەلگەن 3,9 ملن اۆتوموبيلدٸڭ ٸشٸندە پايدالانۋ مەرزٸمٸ 10 جىلدان اسقان 2,5 ملن كٶلٸك بار. ياعني 64% قۇرايدى», - دەدٸ ماعزۇم مىرزاعاليەۆ بٷگٸنگٸ ٷكٸمەت وتىرىسىندا.
مينيستردٸڭ ايتۋىنشا, ٶتكەن جىلدىڭ سوڭىندا «تەحنيكالىق رەتتەۋ تۋرالى» زاڭى قابىلدانىپ, جانار-جاعارماي قۇيۋ بەكەتتەرٸندەگٸ وتىننىڭ ساپاسىن ك4 جەنە ك5 ەكولوگييالىق سىنىپتارىنا سەيكەستٸگٸنە باقىلاۋ كٷشەيتٸلدٸ.
«وسىعان بايلانىستى, ساۋدا جەنە ينتەگراتسييا مينيسترلٸگٸنە جانار-جاعارماي قۇيۋ بەكەتتەرٸندەگٸ وتىننىڭ ساپاسىن باقىلاۋدى جٷزەگە اسىرۋ قاجەت دەپ سانايمىز. بۇدان باسقا, تەحنيكالىق بايقاۋ ستانتسييالارى مەن اۆتوكٶلٸك يەلەرٸنٸڭ جاۋاپكەرشٸلٸگٸن كٷشەيتۋ ٶتە ماڭىزدى. ٶز كەزەگٸندە ەكٸمدٸكتەر اۆتوپاركتەردٸ جاڭارتۋ جۇمىستارىن جالعاستىرۋى قاجەت», - دەدٸ مىرزاعاليەۆ.
بۇعان دەيٸن ەكولوگييا مينيسترٸ ٶڭٸرلەردەگٸ ەكولوگييالىق پروبلەمالار قالاي شەشٸلٸپ جاتقانىن بايانداعان ەدٸ.
