سوڭعى جەتٸ جىلدا ەلٸمٸزدە جاسٶسپٸرٸمدەر قىلمىسى 64%-عا قىسقاردى. بۇل تۋرالى ٸشكٸ ٸستەر مينيسترلٸگٸ مەلٸمدەدٸ, دەپ حابارلايدى قازاقپارات.
«ٶتكەن جىلى كەمەلەتكە تولماعاندار اراسىندا قىلمىس ٷشتەن بٸرگە قىسقاردى. ولار جاساعان ۇرلىق سانى 39%-عا, توناۋ 54%-عا, قاراقشىلىق 79%-عا جەنە بۇزاقىلىق 25%-عا ازايدى. ەدەتتەگٸدەي, كەمەلەتكە تولماعانداردىڭ قىلمىس جاساۋىنىڭ باستى سەبەبٸ – بالالارعا تيٸستٸ باقىلاۋدىڭ بولماۋى. جىل سايىن پوليتسييا ورگاندارىنا 100 مىڭعا جۋىق بالا جەتكٸزٸلەدٸ. ولاردىڭ كٶپشٸلٸگٸ تٷنگٸ ۋاقىتتا تۇرعىن ٷيدەن تىس جەنە ويىن-ساۋىق مەكەمەلەرٸندە زاڭدى ٶكٸلدەرسٸز جٷرگەن جاسٶسپٸرٸمدەر بولعان», - دەدٸ قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى الەكسەي ميليۋك ٸٸم-دە ٶتكەن ونلاين-بريفينگ بارىسىندا.
ونىڭ ايتۋىنشا, 2020 جىلى 65 مىڭنان استام اتا-انا ەكٸمشٸلٸك جاۋاپكەرشٸلٸككە تارتىلدى, ولار بالالارىنا تٷنگٸ ۋاقىتتا كٶشەدە جەنە ويىن-ساۋىق ورىندارىندا جٷرۋگە جول بەرگەن.
«سونىمەن بٸرگە, كافەلەر مەن مەيرامحانالاردىڭ 800-دەن استام يەسٸ وسىنداي كەمەلەتكە تولماعانداردىڭ جٷرگەنٸ ٷشٸن ەكٸمشٸلٸك جاۋاپكەرشٸلٸككە تارتىلدى. 4 مىڭنان استام جاسٶسپٸرٸمدٸ اتا-انالارىنا بەرۋ مٷمكٸن بولماعاندىقتان, كەمەلەتكە تولماعانداردى قاراۋسىز قالدىرعانى ٷشٸن بەيٸمدەۋ ورتالىقتارىنا جٸبەرٸلدٸ. بٷگٸندە پوليتسييا ەسەبٸندە قۇقىقبۇزۋشىلىق جاساۋعا بەيٸم 5 مىڭنان استام كەمەلەتكە تولماعان بالا تۇر. ولارمەن جەكە-پروفيلاكتيكالىق جۇمىستار جٷرگٸزٸلۋدە», - دەدٸ ا. ميليۋك.
