23 سەۋٸردە قازاقستاندا 2837 ادامنان كوروناۆيرۋس ينفەكتسيياسى انىقتالدى. (بۇل مەلٸمەتكە كوروناۆيرۋس تەستٸ وڭ شىققان ناۋقاستار عانا كٸرٸپ وتىر).
جۇما كٷنٸ الماتىدا – 694, نۇر-سۇلتاندا 547 ادامنان كوروناۆيرۋس انىقتالعان. قاراعاندى وبلىسىندا – 234, اقتٶبە وبلىسىندا – 139, الماتى وبلىسىندا 205 ناۋقاس, اتىراۋ وبلىسىندا – 128, باتىس قازاقستان وبلىسىندا – 172, شىمكەنتتە – 110, اقمولا وبلىسىندا – 147 ادامنىڭ اناليزٸنەن كوروناۆيرۋس تابىلعان. قالعان وبلىستاردا بٸر كٷندە ونداعان ناۋقاس تٸركەلگەن.
2020 جىلدىڭ ناۋرىز ايىنان بەرٸ 303 570 ادامنىڭ كوروناۆيرۋس تەستٸ وڭ شىققان.
دەنساۋلىق ساقتاۋ مينيسترلٸگٸنٸڭ حابارلاۋىنشا, بەيسەنبٸ كٷنٸ 93 ادامعا كوروناۆيرۋس پنەۆمونيياسى دياگنوزى قويىلعان, 23 ادام – كوروناۆيرۋستان, 4 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
2020 جىلدىڭ 1 تامىزىنان بەرٸ كوروناۆيرۋس پنەۆمونيياعا شالدىققاندار 52 348-گە جەتكەن. 51 مىڭى جازىلعان. 768 ادام ٶلٸمٸ تٸركەلگەن.
دەنساۋلىق ساقتاۋ مينيسترلٸگٸ كوروناۆيرۋسقا ۇقساس پنەۆمونييا ەسەبٸن 2020 جىلدىڭ 2 تامىزىنان باستاپ جارييالاي باستاعان. ەسەپتٸ جٷرگٸزۋگە حالىقارالىق ۇيىمداردىڭ قىسىمى تٷرتكٸ بولدى. كوروناۆيرۋس پنەۆمونيياسى بىلتىر جازدىڭ العاشقى ەكٸ ايىندا قاتتى ٶرشٸگەنٸنە قاراماستان جالپى ستاتيستيكاعا ماۋسىم مەن شٸلدە ايلارىنىڭ مەلٸمەتٸ كٸرمەگەن.
2020 جىلدىڭ ناۋرىز ايىنان بەرٸ كوروناۆيرۋس تەستٸ وڭ شىققاندار اراسىندا 3535 ادام ٶلٸمٸ تٸركەلگەن. وعان ارنايى كوميسسييا "Covid-تەن ەمەس, باسقا اۋرۋدان قايتىس بولدى" دەلٸنگەن مىڭنان استام ادام ٶلٸمٸ ەنبەگەن.
كٶپتەگەن ساراپشىلار كوروناۆيرۋس جۇققاندار مەن ودان قايتىس بولعاندار رەسمي مەلٸمەتتە كٶرسەتٸلگەن دەرەكتەن ەلدەقايدا كٶپ دەپ سانايدى. قازاقستاندا بىلتىر الدىڭعى جىلدارمەن سالىستىرعاندا ادام ٶلٸمٸ كٶپ بولعان. ۇلتتىق ستاتيستيكا بيۋروسىنىڭ مەلٸمەتٸنشە, بىلتىر 11 ايدا ەلدە 149 مىڭنان استام ادام قايتىس بولعان. بۇل 2019 جىلدىڭ وسى كەزەڭٸمەن سالىستىرعاندا 22 پايىزعا (27 مىڭ ادام) كٶپ.
سوڭعى كٷندەرٸ كوروناۆيرۋسقا شالدىققاندار بويىنشا رەكوردتىق كٶرسەتكٸشتەر تٸركەلٸپ جاتىر. قازٸر ون وبلىس پەن قالا "قىزىل ايماقتا": نۇر-سۇلتان, الماتى قالاسى, باتىس قازاقستان وبلىسى, اقتٶبە, اتىراۋ, قاراعاندى, اقمولا, ماڭعىستاۋ وبلىستارى, شىمكەنت قالاسى. الماتى وبلىسى, پاۆلودار, قىزىلوردا, شىعىس قازاقستان, جامبىل وبلىستارى "سارى ايماقتا". "جاسىل ايماقتا" تٷركٸستان, سولتٷستٸك قازاقستان وبلىسى عانا قالعان.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, ەلەمدە 145 ملن ادام كوروناۆيرۋسقا شالدىققان, ٷش ميلليوننان استامى قايتىس بولعان.
