بٷگٸن ەلٸمٸزدٸڭ بارلىق ٶڭٸرٸندە ۇلتتىق بٸرىڭعاي تەستٸلەۋ باستالىپ, اقپاننىڭ 5-ٸنە دەيٸن جالعاسادى. رەسپۋبليكا بويىنشا بارلىعى 143 تەستٸلەۋ ٶتكٸزۋ پۋنكتٸندە 1 230 اۋديتورييا جۇمىس ٸستەيدٸ, دەپ حابارلايدى قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸ.
قاڭتار ايىنداعى ۇبت كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ كەلٸسٸمٸمەن ٶتٸپ, كارانتينگە بايلانىستى تٷلەكتەر تەستٸلەۋدٸ 15 لەك بويىنشا تاپسىرادى.
ۇبت-نى 120 مىڭنان استام ادام تاپسىرادى دەپ جوسپارلانىپ وتىر. ولار – 11 (12) سىنىپ وقۋشىلارى, ٶتكەن جىلى ۇبت نەتيجەلەرٸ جويىلعان تالاپكەرلەر جەنە شىعارماشىلىق بٸلٸم بەرۋ باعدارلامالارى بويىنشا باسقاسىنا اۋىسقىسى كەلەتٸن ستۋدەنتتەر قاتىسادى.
تەستٸلەۋ 5 پەن بويىنشا ٶتەدٸ: 3 مٸندەتتٸ جەنە تاڭداعان ماماندىعىنا بايلانىستى 2 بەيٸندٸ پەن. ۇبت قاتىسۋشىلارىنا بارلىعى 120 تەست تاپسىرماسى بەرٸلەدٸ, ونىڭ ٸشٸندە قازاقستان تاريحى بويىنشا 15 سۇراق, ماتەماتيكالىق ساۋاتتىلىق بويىنشا 15 سۇراق, وقۋ ساۋاتتىلىعى بويىنشا 20 سۇراق جەنە بەيٸندٸ پەندەر بويىنشا 35 تاپسىرمادان بولادى. تەستٸلەۋ تاپسىرۋعا 4 ساعات (240 مينۋت) بەرٸلەدٸ. ۇبت-عا قاتىسۋشىلار بارلىعى 140 بالل جيناي الادى.
ٶڭٸرلەردە ۇبت ٶتكٸزۋ ەرەجەلەرٸنٸڭ ساقتالۋىن جوعارى وقۋ ورىندارىنىڭ قىزمەتكەرلەرٸ مەن ۇلتتىق تەستٸلەۋ ورتالىعىنىڭ ٶكٸلدەرٸ باقىلايتىن بولادى. سونداي-اق ٶڭٸرلەردەگٸ تەستٸلەۋ بارىسىن بٸلٸم بەرۋ سالاسىنداعى ساپانى قامتاماسىز ەتۋ دەپارتامەنتتەرٸنٸڭ قىزمەتكەرلەرٸ قاداعالايتىن بولادى. تەستٸلەۋ ٷردٸسٸن ارنايى مونيتورينگتٸك توپتىڭ جەنە «ادالدىق الاڭى» جوبالىق كەڭسەسٸنٸڭ 403 ٶكٸلٸ باقىلاۋدا ۇستايدى.
كوروناۆيرۋستىق ينفەكتسييانىڭ تارالۋ قاۋپٸن ازايتۋ ماقساتىندا ۇبت ٶتكٸزۋ كەزٸندە سانيتارلىق-ەپيدەميولوگييالىق نورمالار مەن ەلەۋمەتتٸك اراقاشىقتىق قاتاڭ ساقتالاتىن بولادى. تەستٸلەۋ بارىسىندا قاتىسۋشىلار اراسىندا كەمٸندە 2 مەتر قاشىقتىق قامتاماسىز ەتٸلٸپ, اۋديتورييالارداعى ادامداردىڭ سانى 50%-عا قىسقارتىلدى. ۇبت باستالار الدىندا اۋديتورييالار باكتەريتسيدتٸ شامدارمەن زارارسىزداندىرىلاتىن بولادى. سونىمەن قاتار سانيتارلىق نورمالارعا سەيكەس اتا-انالار مەن مۇعالٸمدەرگە ۇبت ٶتكٸزۋ پۋنكتٸنٸڭ اۋماعىندا بولۋعا تىيىم سالىنادى.
