ەلٸمٸزدە زەينەتاقى جيناعىنان جەتكٸلٸكتٸ شەكتەن اساتىن 3,4 ترلن تەڭگە تٶلەندٸ, ونىڭ 3,1 ترلن تەڭگەسٸ تۇرعىن ٷي مەسەلەلەرٸن شەشۋگە جۇمسالعان, دەپ حابارلايدى قازاقپارات.
«بٸرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرٸ ناۋرىزدا 13 ترلن تەڭگەنٸ قۇرادى. جىل باسىنان بەرٸ ينۆەستيتسييالىق كٸرٸس شامامەن 304,9 ملرد تەڭگە, زەينەتاقى جارنالارى – 383,7 ملرد تەڭگە, زەينەتاقى تٶلەمدەرٸ – 64,5 ملرد تەڭگە بولدى», - دەدٸ قر ۇلتىق بانكٸنٸڭ تٶراعاسى عالىمجان پٸرماتوۆ ٷكٸمەت وتىرىسىندا.
2021 جىلعى اقپاننان باستاپ زەينەتاقى جيناقتارىن مەرزٸمٸنەن بۇرىن الۋ بويىنشا 1,7 ملن ٶتٸنٸش ورىندالعان, ولاردىڭ سوماسى 3,4 ترلن تەڭگە بولدى.
«ونىڭ ٸشٸندە تۇرعىن ٷي مەسەلەلەرٸن شەشۋگە 3,1 ترلن تەڭگە تيەسٸلٸ. زەينەتاقى اكتيۆتەرٸنٸڭ كٸرٸستٸلٸگٸ 10,4% بولدى», - دەدٸ پٸرماتوۆ.
