قازاقستاندا ارمييانىڭ 13 مىڭعا جۋىق ەسكەري قىزمەتشٸسٸ مەن ازاماتتىق پەرسونالىنا قايتادان كوروناۆيرۋس ەكپەسٸ سالىندى, دەپ حابارلايدى قازاقپارات قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
مەديتسينالىق تۇرعىدا قارسى كٶرسەتٸلٸمٸ بار ادامدارعا عانا ۆاكتسينا ەگٸلمەيدٸ.
«قورعانىس مينيسترلٸگٸنٸڭ ەسكەري ەمحانالارى جەنە تٸركەلگەن جەرٸندەگٸ ازاماتتىق ەمدەۋ مەكەمەلەرٸ, سونداي-اق ەسكەري جەنە ازاماتتىق ەمدەۋ مەكەمەلەرٸنٸڭ كٶشپەلٸ ەگۋ بريگادالارى بەلسەندٸلٸگٸ جويىلعان ۆاكتسينا ارقىلى رەۆاكتسيناتسييا جٷرگٸزەدٸ», – دەدٸ باس ەسكەري-مەديتسينالىق باسقارماسىنىڭ باستىعى مەديتسينا قىزمەتٸنٸڭ پولكوۆنيگٸ تيمۋر وشاقباەۆ.
قازاقستاننىڭ باس سانيتار دەرٸگەرٸنٸڭ رەۆاكتسيناتسييا جٷرگٸزۋ تۋرالى قاۋلىسىنا سەيكەس COVID-19 قارسى ەكپەنٸڭ تولىق كۋرسىنان كەيٸن التى اي ٶتكەندە قايتا ەكپە سالۋ قاجەت.
باس ەسكەري-مەديتسينالىق باسقارماسى ەل قارۋلى كٷشتەرٸندەگٸ كوروناۆيرۋس ينفەكتسيياسى بويىنشا ەپيدەميولوگييالىق احۋال ۇجىمدىق يممۋنيتەتتٸڭ قالىپتاسۋىنىڭ ارقاسىندا تۇراقتى ەكەنٸن اتاپ ٶتتٸ.
