Qazaqstanda armiianyń 13 myńǵa jýyq áskeri qyzmetshisi men azamattyq personalyna qaitadan koronavirýs ekpesi salyndy, dep habarlaidy QazAqparat Qorǵanys ministrliginiń baspasóz qyzmetine silteme jasap.
Meditsinalyq turǵyda qarsy kórsetilimi bar adamdarǵa ǵana vaktsina egilmeidi.
«Qorǵanys ministrliginiń áskeri emhanalary jáne tirkelgen jerindegi azamattyq emdeý mekemeleri, sondai-aq áskeri jáne azamattyq emdeý mekemeleriniń kóshpeli egý brigadalary belsendiligi joiylǵan vaktsina arqyly revaktsinatsiia júrgizedi», – dedi Bas áskeri-meditsinalyq basqarmasynyń bastyǵy meditsina qyzmetiniń polkovnigi Timýr Oshaqbaev.
Qazaqstannyń bas sanitar dárigeriniń revaktsinatsiia júrgizý týraly qaýlysyna sáikes COVID-19 qarsy ekpeniń tolyq kýrsynan keiin alty ai ótkende qaita ekpe salý qajet.
Bas áskeri-meditsinalyq basqarmasy el Qarýly kúshterindegi koronavirýs infektsiiasy boiynsha epidemiologiialyq ahýal ujymdyq immýnitettiń qalyptasýynyń arqasynda turaqty ekenin atap ótti.
