فوتو: ru.freepik.com
بالا قۇقىقتارى جٶنٸندەگٸ ۋەكٸل دينارا زاكيەۆا بالالاردى قاراۋسىز قالدىرۋ مەسەلەسٸ بويىنشا جاسادى, - دەپ حابارلايدى ULT.KZ.
بالالار ومبۋدسمەنٸ قايعىلى ٶرت وقيعالارىنا بايلانىستى ۇسىنىس جاساپ وتىر. دينارا زاكيەۆا بەرگەن مەلٸمەت بويىنشا, 2024 جىلدىڭ باسىنان بەرٸ قازاقستاندا 15 ٶرت وقيعاسى بولىپ, سونىڭ سالدارىنان بالالار قازا تاپقان. كٶبٸنەسە قايعىلى وقيعا بالالاردىڭ ٷيدە جالعىز قالۋىنان بولعان.
"بۇل وقيعالاردى تالداي وتىرىپ, 12 جاسقا دەيٸنگٸ بالالاردى ەرەسەكتەردٸڭ قاراۋىنسىز قالدىرۋعا تىيىم سالاتىن زاڭنامالىق شارالاردى ەنگٸزۋ قاجەت دەپ ەسەپتەيمٸن. ەرينە, سونىمەن قاتار قولداۋعا مۇقتاج وتباسىلار مەملەكەت ۇسىناتىن كٶمەك باعدارلامالارىمەن قامتاماسىز ەتٸلۋٸ تيٸس", - دەپ جازدى بالالار ومبۋدسمەنٸ Instagram پاراقشاسىندا.
