بيىل 59 ەلدٸ مەكەنگە گاز بەرٸلەدٸ. بۇل تۋرالى قر ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«2021 جىلى گاز ٶندٸرۋ كٶلەمٸ 53,8 ملرد تەكشە مەتردٸ قۇرادى. ال 2022 جىلعا ارنالعان جوسپار – 54,5 ملرد تەكشە مەتر. 29,4 ملرد تەكشە مەتر تاۋارلىق گاز ٶندٸرٸلدٸ, 2022 جىلعا جوسپار – 29,6 ملرد تەكشە مەتر. گاز ەكسپورتى - 7,2 ملرد تەكشە مەتر, 2022 جىلعا ارنالعان گاز ەكسپورتىنىڭ كٷتٸلەتٸن كٶلەمٸ – 5,4 ملرد تەكشە مەتر. ەكسپورتتىڭ تٶمەندەۋٸ ٸشكٸ تۇتىنۋدىڭ ارتۋىمەن بايلانىستى», - دەدٸ ول مينيسترلٸكتٸڭ كەڭەيتٸلگەن القا وتىرىسىندا.
مينيستردٸڭ اتاپ ٶتۋٸنشە, 2022 جىلعى 1 قاڭتارداعى جاعداي بويىنشا ەلدٸ گازداندىرۋ 57,7 پايىز نەمەسە 11 ملن ادام گازعا قول جەتكٸزدٸ.
«ٶڭٸرلەردٸ دامىتۋعا ارنالعان ترانسفەرتتەر اياسىندا وسى جىلى 45,8 ملرد تەڭگە سوماسىنا گاز ينفراقۇرىلىمى قۇرىلىسىنىڭ 96 جوباسىن ٸسكە اسىرۋ جوسپارلانۋدا, ونىڭ ٸشٸندە 59 ەلدٸ مەكەندٸ نەمەسە 79 مىڭ ادامدى گازبەن قامتاماسىز ەتۋ ٷشٸن 38 نىساندى اياقتاۋ جوسپارلانعان», - دەدٸ بولات اقشولاقوۆ.
