پرەمەر-مينيستردٸڭ ورىنباسارى بەردٸبەك ساپارباەۆ زەينەتاقى جيناعىن پايدالانۋ بويىنشا قانداي ۇسىنىستار ەزٸرلەنگەنٸن ايتىپ بەردٸ, دەپ حابارلايدى Sputnik قازاقستان.
"پرەزيدەنتتٸڭ تاپسىرماسى بويىنشا ٷكٸمەتتٸڭ جانىنان ارنايى جۇمىس توبى قۇرىلعان بولاتىن. وعان تانىمال عالىمدار مەن ساراپشىلار ەندٸ. بٸز حالىقارالىق تەجٸريبەنٸ زەردەلەپ شىقتىق. سٶيتٸپ, پرەزيدەنت ەكٸمشٸلٸگٸنە زەينەتاقى جيناعىن پايدالانۋ بويىنشا بٸرنەشە ۇسىنىس ەنگٸزدٸك", - دەدٸ ساپارباەۆ استانادا ٶتكەن باسپاسٶز مەسليحاتىندا.
ونىڭ سٶزٸنە قاراعاندا, بٸرٸنشٸ ۇسىنىس زەينەتاقى جيناعىن باسپانا الۋ ٷشٸن پايدالانۋعا ارنالعان. ەكٸنشٸسٸ – سالىمنىڭ بەلگٸلٸ بٸر بٶلٸگٸن ەم-دومعا جۇمساۋ. وعان تەگٸن مەديتسينالىق قىزمەت پەن مٸندەتتٸ ەلەۋمەتتٸك مەديتسينالىق ساقتاندىرۋعا كٸرمەيتٸن ەمدەۋ شارالارى جاتادى.
"وسى ۇسىنىستار پرەزيدەنت ەكٸمشٸلٸگٸنٸڭ قاراۋىنا ەنگٸزٸلدٸ. ەزٸرشە, ناقتى شەشٸم قابىلدانعان جوق. شەشٸم شىققاندا بارلىعىنا جەتكٸزەمٸز", - دەپ تٷسٸندٸردٸ ساپارباەۆ.
وسى ورايدا ۆيتسە-پرەمەر زەينەتاقى جيناعىن پايدالانۋعا قاتىستى نەگٸزگٸ مەسەلەنٸ اتاپ ٶتتٸ.
"مەن تاعى قايتالاپ ايتامىن, قازاقستاندىقتار تيٸستٸ زەينەتاقىسىن الۋى قاجەت. سوندىقتان زەينەتاقى جيناعىن پايدالانۋ جاعى ەسەپشوتتاعى اقشانىڭ كٶلەمٸنە بايلانىستى بولادى. ادام زەينەتكەرلٸككە شىققاندا قاجەتتٸ اقشامەن قامتىلۋى شارت", - دەيدٸ ساپارباەۆ.
ۆيتسە-پرەمەردٸڭ دەرەگٸنشە, بٷگٸندە قازاقستاندىقتاردىڭ ورتاشا ٶمٸر سٷرۋ ۇزاقتىعى 73 جاستى قۇرايدى. وسىعان بايلانىستى زەينەتاقى اقشاسى ناقتى قانشا جىلعا قاجەت بولاتىنىنا دا زەرتتەۋ جٷرگٸزٸلگەن.
"بٸز تيٸستٸ ەسەپ-قيساپتى جاساپ شىقتىق. قازاقستاندىقتار, شامامەن, زەينەتكە شىققاننان كەيٸن شامامەن 19-25 جىل ٶمٸر سٷرەدٸ. سوندىقتان بٸز ەربٸر ادامنىڭ ەسەپشوتىنداعى قارجى زەينەت جاسىنا جەتە مە, جوق پا, وسىنى ەسكەرۋٸمٸز كەرەك. ٶكٸنٸشكە قاراي, قازٸرگٸ كەزدە سالىمشىلاردىڭ جارتىسىنىڭ جيناق سوماسى 1 ميلليون تەڭگەگە جەتپەيدٸ. ال قاجەتتٸ سوما, شامامەن, 10-12 ميلليون تەڭگە بولۋى تيٸس. ونداي ازاماتتاردىڭ سانى – 102 مىڭ ادام", - دەدٸ ساپارباەۆ.
