قازاقستاندىق 100 شىلىمقوردىڭ جەتەۋٸ كٷنٸنە 25 دانادان استام تەمەكٸ شەگەدٸ. مۇنداي مەلٸمەتتٸ energyprom.kz پورتالى ۇسىندى, دەپ حابارلايدى قازاقپارات.
ۇلتتىق ستاتيستيكا بيۋروسى وسى جىلدىڭ شٸلدە ايىندا 5,5 ملن ازاماتتىڭ اراسىندا ساۋالناما جٷرگٸزگەن.
ساۋالناماعا قاتىسقانداردىڭ ٸشٸندە 1,1 ملن-نان استام ادام تەمەكٸ, ال 190,1 مىڭى كاليان شەگەتٸنٸ انىقتالدى. 26,1 مىڭ ادام كالياندى كٷندەلٸكتٸ, ال 164 مىڭ ادام ارا-تۇرا شەگەدٸ.
ال شىلىمقورلاردىڭ ٸشٸندە 914,4 مىڭ ادام تەمەكٸنٸ كٷندەلٸكتٸ, ال 190,7 مىڭ ادام اندا-ساندا شەگەتٸندٸگٸن ايتقان.
تەمەكٸ شەگەتٸندەردٸڭ 851 مىڭى - ەر ادامدار, 254 مىڭى - ەيەلدەر. 663,2 مىڭ شىلىمقور قالادا, 441,8 مىڭى اۋىلدا تۇرادى.
ساۋالناما جٷرگٸزٸلگەن 5,5 ملن ادامنىڭ 4,4 ميلليونى قازٸرگٸ ۋاقىتتا تەمەكٸ شەكپەيتٸندٸكتەرٸن ايتقان.
ونىڭ ٸشٸندە 15,9 مىڭ ادام بۇعان دەيٸن كٷندەلٸكتٸ, 318,2 مىڭى ارا-تۇرا شىلىم شەكسە, 3,5 ملن-ى مٷلدەم تەمەكٸ تارتپاعان.
قازاقستاندىق شىلىمقور بٸر كٷننٸڭ ٸشٸندە 12,8 ملن دانا, ونىڭ ٸشٸندە ەركەكتەر 10,5 ملن, ەيەلدەر 2,3 ملن دانا تەمەگٸ شەگەدٸ.
كٷندەلٸكتٸ شىلىم شەگەتٸن 915 مىڭ رەسپوندەنتتٸڭ 378,7 مىڭ كٷنٸنە - 15-24, 214,4 مىڭى - 10-14, 168,7 مىڭى - 5-9, 90,1 مىڭ ارى كەتكەندە - 5, ال 63,2 مىڭى 25-تەن كٶپ دانا تەمەكٸ تارتادى.
ايتا كەتەرلٸگٸ, وسى جىلدىڭ قىركٷيەك ايىنىڭ قورىتىندىسىندا تەمەكٸ ٶنٸمدەرٸ بٸر جىلدىڭ ٸشٸندە 15,9 پايىزعا قىمباتتاعان.
