Qazaqstandyq 100 shylymqordyń jeteýi kúnine 25 danadan astam temeki shegedi. Mundai málimetti energyprom.kz portaly usyndy, dep habarlaidy QazAqparat.
Ulttyq statistika biýrosy osy jyldyń shilde aiynda 5,5 mln azamattyń arasynda saýalnama júrgizgen.
Saýalnamaǵa qatysqandardyń ishinde 1,1 mln-nan astam adam temeki, al 190,1 myńy kalian shegetini anyqtaldy. 26,1 myń adam kaliandy kúndelikti, al 164 myń adam ara-tura shegedi.
Al shylymqorlardyń ishinde 914,4 myń adam temekini kúndelikti, al 190,7 myń adam anda-sanda shegetindigin aitqan.
Temeki shegetinderdiń 851 myńy - er adamdar, 254 myńy - áielder. 663,2 myń shylymqor qalada, 441,8 myńy aýylda turady.
Saýalnama júrgizilgen 5,5 mln adamnyń 4,4 milliony qazirgi ýaqytta temeki shekpeitindikterin aitqan.
Onyń ishinde 15,9 myń adam buǵan deiin kúndelikti, 318,2 myńy ara-tura shylym shekse, 3,5 mln-y múldem temeki tartpaǵan.
Qazaqstandyq shylymqor bir kúnniń ishinde 12,8 mln dana, onyń ishinde erkekter 10,5 mln, áielder 2,3 mln dana temegi shegedi.
Kúndelikti shylym shegetin 915 myń respondenttiń 378,7 myń kúnine - 15-24, 214,4 myńy - 10-14, 168,7 myńy - 5-9, 90,1 myń ary ketkende - 5, al 63,2 myńy 25-ten kóp dana temeki tartady.
Aita keterligi, osy jyldyń qyrkúiek aiynyń qorytyndysynda temeki ónimderi bir jyldyń ishinde 15,9 paiyzǵa qymbattaǵan.
