قازاقستاندا كەمەلەتكە تولماعان 15 بالاسى بار 1 عانا وتباسى بار. بۇل تۋرالى قر ەڭبەك جەنە جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى "ۇلت اقپارات".
«ٶزدەرٸڭٸزدە بٸلەتٸندەي, اتاۋلى ەلەۋمەتتٸك كٶمەكتٸ رەفورمالاۋ اياسىندا 2020 جىلدىڭ 1 قاڭتارىنان باستاپ كٶپبالالى وتباسىلارعا كٸرٸستەرٸنە قاراماستان جەردەماقى ەنگٸزدٸك. 4 بالاسى بارلارعا 42 500 تەڭگە, ال ودان ارى 7 جەنە ودان كٶپ بالاسى بار وتباسىنا 74 مىڭ تەڭگە تٶلەنەدٸ. ياعني بٸر بالاعا 10 600 تەڭگەدەن بەرٸلەدٸ. كٶپبالالى انالارمەن, دەپۋتاتتارمەن تالقىلاۋ بارىسىندا جەردەماقىنى ودان ارى سارالاۋ قاجەت دەگەن ورتاق پٸكٸرگە كەلدٸك. تاياۋ ۋاقىتتا زاڭعا تٷزەتۋلەر ەنگٸزەمٸز. زاڭ اقپان نە ناۋرىزدا قابىلدانعاننىڭ ٶزٸندە ول وسى جىلدىڭ قاڭتارىنان باستاپ كٷشٸنە ەنەدٸ. ەندٸگٸ ۋاقىتتا 8 بالاسى بارلارعا 74 مىڭ ەمەس شامامەن 85 مىڭ تەڭگە, 9 بالاعا 96 مىڭ, 10 بالاعا 106 مىڭ جەنە 15 بالاعا 159 مىڭ تەڭگە بەرٸلەدٸ», - دەدٸ مينيستر ۆەدومستۆونىڭ كەڭەيتٸلگەن القا وتىرىسىنان كەيٸن.
وسى رەتتە مينيستر مۇنداي قادامعا نەلٸكتەن بارعاندىقتارىن تٷسٸندٸرٸپ بەردٸ.
«ٶڭٸرلەرگە بارعاندا جاسى كەمەلەتكە تولماعان 12 بالاسى بار انا نەلٸكتەن 7 بالاسى بار انالارمەن بٸردەي جەردەماقى الاتىندىعىن سۇراعان ەدٸ. سوندىقتان ەدٸلەتتٸ بولۋ كەرەك شىعار. ەڭ كٶبٸ 15 بالامەن توقتادىق. بٸزدە سولتٷستٸك قازاقستان وبلىسىندا كەمەلەتتٸك جاسقا تولماعان 15 بالاسى بار بٸر عانا وتباسى بار. 8 جەنە ودان دا كٶپ بالاسى بار وتباسىلاردىڭ سانى – 2 451», - دەدٸ ول.
