قازاقستان جىل باسىنان بەرٸ ەكسپورتقا 1 219 اۆتوموبيل جٶنەلتتٸ. بۇل جايىندا قازاقستان اۆتوبيزنەس قاۋىمداستىعىنان مەلٸم ەتتٸ, دەپ حابارلايدى "ۇلت اقپارات".
قاۋىمداستىق اقپاراتىنا سەيكەس, وتاندىق ماشينا جاساۋشىلارى اۆتوموبيل شىعارۋىن ەسەلەي تٷسۋدە. 2019 جىلدىڭ شٸلدە ايىندا بارلىق ٷلگٸدەگٸ 4 064 كٶلٸك قۇرالى شىعارىلىپ, اۆتوٶنەركەسٸپتٸڭ نارىقتىق ٷلەسٸ سول ايدا 61 پايىزعا جەتكەن. بۇل جىل ٸشٸندەگٸ رەكوردتىق كٶرسەتكٸش سانالادى. جەڭٸل اۆتوموبيل جاساۋمەن قاتار قوستانايدا Ankai مەن Yutong اۆتوبۋستارىن قۇراستىرۋ دا قارقىن الىپ كەلەدٸ. بۇعان قوسا, ەلٸمٸزدەگٸ جالعىز اۆتوجاساۋشى – ەكسپورتتاۋشى «سارىارقااۆتوٶنەركەسٸپ» كەسٸپورنى شٸلدە ايىندا رەسەي نارىعىنا 694 JAC كروسسوۆەرٸن جٶنەلتتٸ. جالپى جىل باسىنان بەرٸ ەكسپورتقا 6 512 ملن تەڭگەنٸڭ دەل وسى ماركاداعى 1 219 كٶلٸگٸ جٸبەرٸلگەن بولاتىن.
قازاقستان اۆتوبيزنەس قاۋىمداستىعىنىڭ دەرەكتەرٸنە سەيكەس, 2019 جىلدىڭ 7 ايىندا ەلٸمٸزدە 24 687 كٶلٸك قۇرالى جاسالدى. ونىڭ ٸشٸندە 22 280 جەڭٸل كٶلٸك, 1 196 جٷك كٶلٸگٸ, 754 اۆتوبۋس, 422 تٸركەمە مەن جارتىلاي تٸركەمە جەنە 35 باسقا دا مامانداندىرىلعان تەحنيكا بار.
شٸلدە ايىندا وتاندىق ماشينا جاساۋشىلار شىعارعان ٶنٸمنٸڭ قۇنى 26 492 ملن تەڭگەنٸ قۇرادى. بۇل بٸر اي بۇرىنعى نەتيجەدەن 12,1 پايىزعا تٶمەن. دەگەنمەن, 7 ايدىڭ جيىنتىق نەتيجەسٸ ٶتكەن جىلدىڭ دەل وسىنداي كەزەڭٸندەگٸ كٶرسەتكٸشتەن 65,1 پايىزعا كٶپ.
