قر يندۋسترييا جەنە ينفراقۇرىلىمدىق دامۋ مينيسترلٸگٸ اۆتوموبيل جولدارى كوميتەتٸنٸڭ «ۇلتتىق جول اكتيۆتەرٸ ساپاسى ورتالىعى» رمك 2019 جىلى اتقارعان جۇمىسىنىڭ العاشقى قورىتىندىلارىن جارييالادى, دەپ حابارلايدى "ۇلت اقپارات".
مەلٸم ەتٸلگەندەي, ورتالىق ماماندارى ٶتكەن جىلى قازاقستان جولدارىندا 13 مىڭعا تارتا تەكسەرٸس جٷرگٸزٸپ, 5 مىڭنان استام ەر الۋان ولقىلىقتى انىقتاعان.
مەسەلەن, اقمولا وبلىسىنا قاراستى قوسشى كەنتٸندە ۇيىمداستىرىلعان رەيدكە قوعام بەلسەندٸلەرٸ, رەسپۋبليكالىق ارنايى مونيتورينگتٸك توپ پەن بۇقارالىق اقپارات قۇرالدارىنىڭ ٶكٸلدەرٸ تارتىلعان. تەكسەرٸس بارىسىندا تٷرلٸ كەمشٸلٸكتەر انىقتالىپ, تەحنيكالىق قاداعالاۋ, سۋبمەردٸگەرلٸك جەنە جوبالىق ۇيىمداردىڭ ماماندارىنا ەكٸمشٸلٸك ايىپپۇل سالىندى.
«سونداي-اق, 2019 جىلى ورتالىق شىعىس قازاقستان, پاۆلودار جەنە قىزىلوردا وبلىستارىنداعى جولداردىڭ تالاپقا سەيكەستٸگٸ تەكسەرٸلدٸ. اتالمىش جۇمىستاردىڭ نەتيجەسٸندە جەرگٸلٸكتٸ ماڭىزداعى «مايقايىڭ-ەكٸباستۇز» جەنە «جالاعاش-جوسالى» جولدارى ستاندارتتارعا ساي ەمەستٸگٸ انىقتالدى», - دەلٸنگەن حابارلامادا.
ەسكە سالايىق, «ۇلتتىق جول اكتيۆتەرٸ ساپاسى ورتالىعى» قر ٷكٸمەتٸ قاۋلىسىنىڭ نەگٸزٸندە 2019 جىلى 16 «وبلجولزەرتحانا» رمم بٸرٸكتٸرٸلۋٸ ارقىلى قۇرىلعان بولاتىن. ورتالىقتى قۇرۋداعى ماقسات – رەسپۋبليكالىق ماڭىزى بار جولداردىڭ عانا ەمەس, جەرگٸلٸكتٸ جول جەلٸسٸنٸڭ ساپاسىن تەكسەرۋ, جول اكتيۆتەرٸن باسقارۋ, جول قاۋٸپسٸزدٸگٸ دەڭگەيٸن مونيتورينگتەن ٶتكٸزۋ, جاڭا تەحنيلوگييالار مەن ماتەريالداردى ەنگٸزۋ. بيىل اتالمىش كەسٸپورىن قازاقستان جولدارىنىڭ ساپاسىن باقىلاۋ شارالارىن كٷشەيتە تٷسپەك.
