ەلوردادا حالىقارالىق سىبايلاس جەمقورلىققا قارسى اكادەمييانىڭ سەگٸزٸنشٸ اسسامبلەياسى اشىلدى, دەپ حابارلايدى قازاقپارات.
حالىقارالىق سىبايلاس جەمقورلىققا قارسى اكادەمييا (حسقا) مەن قازاقستان رەسپۋبليكاسى بٷگٸن ەلەمنٸڭ تٷكپٸر-تٷكپٸرٸنەن نۇر-سۇلتانعا كەلگەن 70-تەن استام دەلەگاتتى كٷتٸپ الدى. 46-دان استام ۇلتتىق جەنە ينستيتۋتسيونالدىق ۇيىمداردىڭ ٶكٸلدەرٸ جالپى ماقساتتار مەن حسقا ستراتەگيياسىن تالقىلاۋ ٷشٸن ٷشكٷندٸك ٸس-شاراعا قاتىسادى.
كٷن تەرتٸبٸندە اكادەمييا ٷشٸن قاراجات جيناۋ, ونىڭ اعىمداعى جۇمىس باعدارلاماسىن ٸسكە اسىرۋ جەنە اكادەمييانىڭ جاڭا ستراتەگيياسىن ەزٸرلەۋ مەسەلەلەرٸ قارالادى. سونىمەن قاتار, حسقا-نىڭ سىبايلاس جەمقورلىققا قارسى كەيبٸر باعدارلامالارى تالقىلاناتىن پانەلدٸك پٸكٸرتالاس ٶتەدٸ.
سەسسييانى گرۋزييانىڭ قازاقستانداعى ەلشٸسٸ زۋراب اباشيدزە اشتى. ول اسسامبلەيا تٶراعاسى قىزمەتٸنەن كەتٸپ بارا جاتقان گوچا لوردكيپانيدزەنٸڭ اتىنان سٶز سٶيلەدٸ.
«حالىقارالىق سىبايلاس جەمقورلىققا قارسى اكادەميياعا قىزمەت ەتۋگە جەنە سىبايلاس جەمقورلىققا قارسى ٸس-قيمىل بويىنشا جالپى ٸسكە ٶز ٷلەسٸمدٸ قوسقانىما قۋانامىن. مەن بۇل سەسسييا ۇيىمداستىرۋ مەن ونىڭ ماڭىزدى ميسسيياسىن ودان ەرٸ نىعايتا تٷسەدٸ دەگەن ٷمٸتتەنەمٸن», – دەلٸنگەن لوردكيپانيدزەنٸڭ سٶزٸندە.
اسسامبلەيا قاتىسۋشىلارىن قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆ قر پرەزيدەنتٸ اتىنان قۇتتىقتادى. ٶزٸنٸڭ قۇتتىقتاۋ سٶزٸندە پرەزيدەنت قازاقستاننىڭ جٷيەلٸ تٷردە مويىندالعان حالىقارالىق ستاندارتتاردىڭ نەگٸزٸندە سىبايلاس جەمقورلىقپەن ىمىراسىز كٷرەس جٷرگٸزٸپ كەلە جاتقانىن ايتىپ ٶتكەن.
«2008 جىلى بٸزدٸڭ ەلٸمٸز بۇۇ-نىڭ سىبايلاس جەمقورلىققا قارسى كونۆەنتسيياسىن راتيفيكاتسييالادى. سىبايلاس جەمقورلىققا قارسى كٷرەس جٶنٸندەگٸ ىستانبۇل ٸس-قيمىل جوسپارىنىڭ ۇسىنىمدارىن ورىنداۋ بٶلٸگٸندە ەلەۋلٸ پروگرەسكە قول جەتكٸزٸلدٸ. وسى جىلدىڭ 27 تامىزىندا قازاقستاننىڭ ەۋروپا كەڭەسٸنٸڭ جەمقورلىققا قارسى مەملەكەتتەر توبىنا قوسىلۋىن ماقۇلداۋ تۋرالى قازاقستان پرەزيدەنتٸنٸڭ جارلىعىنا قول قويىلدى. وسىلايشا بٸز ەلەمدٸك قوعامداستىققا ەلٸمٸزدٸڭ ەڭ جوعارى حالىقارالىق سىبايلاس جەمقورلىققا قارسى ستاندارتتارعا ادالدىعىن تاعى دا پاش ەتەمٸز», - دەلٸنگەن قۇتتىقتاۋ حاتتا.
قابىلداۋشى ەلدٸڭ اتىنان سٶيلەگەن سٶزٸندە قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ ەلٸمٸزدٸڭ جەمقورلىققا قارسى باستامالارىندا قول جەتكٸزگەن جەتٸستٸگٸن اتاپ ٶتتٸ.
«قازٸرگٸ ۋاقىتتا قازاقستاندا سىبايلاس جەمقورلىق دەڭگەيٸن تٷبەگەيلٸ ازايتۋعا باعىتتالعان رەفورمالاردىڭ جاڭا پاكەتٸن دايىنداۋ بويىنشا جٷيەلٸ جۇمىس جٷرگٸزٸلۋدە», – دەپ اتاپ ٶتتٸ سىبايلاس جەمقورلىققا قارسى ۆەدومستۆو باسشىسى.
قازاقستان ٷشٸن بٸرٸنشٸ كەزەكتەگٸ باسىمدىقتاردىڭ بٸرٸ - تۇرمىستىق سىبايلاس جەمقورلىقتى جويۋ. بۇل ماقساتتا بٸرٸنشٸ كەزەكتە, مەملەكەتتٸك قىزمەتتەردٸ بارىنشا تسيفرلاندىرۋ كٶزدەلگەن. بٷگٸنگٸ تاڭدا قازاقستان بۇۇ-نىڭ تيٸستٸ رەيتينگٸسٸندە ەلەكتروندىق ٷكٸمەتتٸڭ دامۋ دەڭگەيٸ ٶتە جوعارى ەلدەر توبىنا كٸرەدٸ.
اسسامبلەيا سەسسيياسى 4 قازاندا اياقتالادى.
