قازاقستان جەنە بريتان پارلامەنتارالىق ىنتىماقتاستىق جٶنٸندەگٸ توپتاردىڭ جەتەكشٸلەرٸ ونلاين كەزدەسٸپ, قوس ەلدٸڭ كوروناۆيرۋستى ەڭسەرۋٸ جەنە برەكسيتتەن كەيٸنگٸ ەرٸپتەستٸك تاقىرىبى بويىنشا وي بٶلٸستٸ.
سونىمەن قاتار بريتانييالىق لوردتار جەنە قاۋىمدار پالاتاسىنىڭ دەپۋتاتتارى قازاقستان پرەزيدەنتٸ قاسىم-جومارت توقاەۆتىڭ 2 جىلدا اتقارعان رەفورمالارىنا باعا بەردٸ, دەپ حابارلايدى "ۇلت اقپارات".
يان ماككەنزي ماكنيكول - ۇلىبريتانييا پارلامەنتٸ جوعارى پالاتاسىنىڭ مٷشەسٸ, لەيبورشىلار پارتيياسىنىڭ ٶكٸلٸ. 51 جاستاعى لورد لوندوننىڭ وڭتٷستٸك-شىعىسىندا تۇرادى. پاندەمييا باستالعالى مەترونى قويىپ, پارلامەنتكە ۆەلوسيپەدپەن قاتىناي باستاعان.
«ۇلىبريتانييا استاناسىندا ۆەلوسيپەدشٸلەرگە بارلىق جاعداي جاسالعان. وعان قوسا ۆەلوسيپەدتٸڭ قورشاعان ورتاعا ەش زييانى جوق», دەيدٸ ساياساتكەر.
بٷگٸن دە ول قازاقستاندىق ەرٸپتەستەرٸمەن ونلاين-كەزدەسۋگە تەمٸر تۇلپارىمەن كەلٸپ, ەكولوگييالىق پروبلەمالار تاقىرىبىن قوزعادى.
«كليماتتىق داعدارىس باعىتىندا بٸرلەسە جۇمىس ٸستەۋگە كٶپ مٷمكٸندٸكتەر بار. بٸرٸككەن كورولدٸك جەنە قازاقستان رەسپۋبليكاسىنىڭ ٷكٸمەتتەرٸ بٸرلەسە وتىرىپ, جوعارى نەتيجەلەرگە جەتكٸزە الادى», - دەيدٸ لورد.
ەلدەردٸڭ كوۆيدپەن كٷرەستەگٸ جەتٸستٸكتەرٸ دە باستى تاقىرىپتاردىڭ بٸرٸنە اينالدى.
ۇلتتىق ستاتيستيكا قىزمەتٸنٸڭ مەلٸمەتتەرٸنشە, بريتانييالىقتاردىڭ 80 پروتسەنتٸنٸڭ اعزاسىندا انتيدەنەلەر بار. ولار اۋىرىپ شىعۋدىڭ نەمەسە ۆاكتسينالاۋدىڭ نەتيجەسٸندە تٷزٸلگەن. بريتانييالىق پارلامەنتارييلەر قازاقستاندا شىعارىلعان ەكپەنٸڭ بولاشاعىنا زور ٷمٸتپەن قارايتىندىقتارىن ايتتى.
«بٸزدٸڭ بٸلۋٸمٸزشە, قازاقستان وتاندىق ۆاكتسيناسىن شىعاردى. بۇل ورتالىق ازييا مەملەكەتتەرٸ ٷشٸن ٷلگٸ بولارلىق ٶتە جاقسى جاڭالىق. ەكپەنٸ ەرٸ قاراي جەتٸلدٸرۋ ٷشٸن عالىمداردى جۇمىلدىرۋ, ەلەۋەتتٸ ينۆەستورلاردى حاباردار ەتۋ جاعىنان قولداۋ بٸلدٸرۋگە ەزٸرمٸز» - دەدٸ ۇلىبريتانييا پارلامەنتٸ قاۋىمدار پالاتاسىنىڭ دەپۋتاتى, قازاقستانمەن ىنتىماقتاستىق جٶنٸندەگٸ جالپىپارتييالىق پارلامەنتتٸك توپتىڭ تٶراعاسى پولكوۆنيك بوب ستيۋارت.
ونىڭ قازاقستاندىق ەرٸپتەسٸ, قر پارلامەنت مەجٸلٸسٸنٸڭ دەپۋتاتى ۆاكيل نابيەۆ: «مەملەكەت پاندەمييا كەزٸندە شامامەن 15 ملرد اقش دوللارىن, ياعني ٸشكٸ جالپى ٶنٸمنٸڭ 9 پروتسەنتٸن حالىقتى جەنە بيزنەستٸ قولداۋ ٷشٸن بٶلدٸ. بٸز كوروناۆيرۋسكە قارسى كٷرەستە حالىقارالىق قاۋىمداستىقپەن, ونىڭ ٸشٸندە بريتانييالىق ەرٸپتەستەرٸمٸزبەن دە بٸرلەسە جۇمىس ٸستەۋگە ەزٸرمٸز», - دەپ تٷيٸندەدٸ.
دەپۋتاتتار قاسىم-جومارت توقاەۆ پرەزيدەنتتٸگٸنٸڭ ەكٸ جىلىن سارالاي كەلە, ونىڭ ساياسي رەفورمالارىن دا تالقىلادى. ەسٸرەسە, ايماق ەكٸمدەرٸن سايلاۋ تۋرالى باستاماسىنا ەرەكشە توقتالدى.
«بٸرٸككەن كورولدٸكتە مەرلەردٸ سايلاۋ دەستٷرٸ ەجەلدەن قالىپتاسقان. سٸزدەردە سايلاۋ ٶتكەننەن كەيٸن, ايماق باسشىلارى ٶزارا كەزدەسٸپ, تەجٸريبە الماسۋلارىنا بولادى دەپ ويلايمىن», دەدٸ ۇلىبريتانييا قاۋىمدار پالاتاسىنىڭ دەپۋتاتى مارتين ۆيككەرس.
ۇلىبريتانييا برەكسيتتەن كەيٸن ەۋرووداق ەلدەرٸمەن بايلانىسىن ٷزگەن ەمەس. بٸراق جاڭا مەملەكەتتەرمەن تٸكەلەي قارىم-قاتىناس ورناتۋ باعىتىندا دا جۇمىس ٸستەپ جاتىر. قازٸردٸڭ ٶزٸندە 70 ەلمەن ساۋدا-ساتتىق بويىنشا كەلٸسٸمگە كەلدٸ. جيىنعا قاتىسۋشىلار قازاقستان بۇل تٸزٸمگە 71-شٸ بولىپ ەنەدٸ دەگەن سەنٸم بٸلدٸردٸ.
