«جولاۋشىلار تاسىمالى» اق جاڭا ۆاگونداردى ساتىپ الماق. بۇل تۋرالى «جولاۋشىلار تاسىمالى» اق باس ديرەكتورى ميحاەل كورتيۋم مەلٸم ەتتٸ, دەپ حابارلايدى قازاقپارات
«قىسقا مەرزٸمدٸ ماقساتتاردىڭ ٸشٸندە بٸز ۆاگونداردىڭ جەتٸسپەۋشٸلٸگٸن بٸرجولاتا شەشۋدٸ جوسپارلاپ وتىرمىز. كەلەسٸ اپتادا بٸز 19 جاڭا ۆاگون ساتىپ الامىز. ال 22 قازان كٷنٸ تاعى تٶرت جاڭا ۆاگوندى قابىلدايمىز», - دەدٸ ميحاەل كورتيۋم ەلوردادا ٶتكەن باسپاسٶز مەسليحاتىندا.
«جولاۋشىلار تاسىمالى» اق باس ديرەكتورى سونىمەن قاتار, ساتىپ الىنعان ۆاگونداردىڭ ساپاسى تۋرالى سۇراققا جاۋاپ بەردٸ.
«ساتىپ الاتىن ۆاگوندارمەن ەكٸ اپتا بۇرىن تانىستىم. ايتارلىقتاي جاقسى ۆاگوندار. بەينەباقىلاۋ كامەراسى بار. ينتەرنەت قوسىلعان. ساپاسى ٶتە جوعارى», - دەدٸ ميحاەل كورتيۋم.
ٶز كەزەگٸندە «جولاۋشىلار تاسىمالى» اق رەسمي ٶكٸلٸ دياس احمەتشەرٸپ تۆەر ۆاگون قۇرىلىسى زاۋىتىنان 20 ملرد تەڭگەگە 63 ۆاگون ساتىلىپ الىناتىنىن مەلٸم ەتتٸ.
ەسكە سالا كەتسەك, نەمٸس مامانى ميحاەل كورتيۋم «جولاۋشىلار تاسىمالى» اق-نىڭ باس ديرەكتورى بولىپ بٸر اي بۇرىن تاعايىندالعان بولاتىن.
