قازاقستان ۇيالى بايلانىس قىزمەتتەرٸنٸڭ تاريفٸ بويىنشا ەلەمدە 37-ورىندا تۇر. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸنٸڭ مٸندەتٸن اتقارۋشى اسحات ورازبەك ايتتى, دەپ حابارلايدى قازاقپارات.
«حالىقارالىق ەلەكتر بايلانىسى وداعى ەسەبٸنٸڭ سوڭعى دەرەكتەرٸنە سەيكەس, قازاقستان بايلانىس قىزمەتتەرٸنٸڭ تاريفتٸك قول جەتكٸزۋٸ بويىنشا جوعارى پوزيتسييادا ەكەنٸن ايتا كەتكەن جٶن. اتاپ ايتقاندا, ۇيالى بايلانىس قىزمەتتەرٸنٸڭ تاريفتەرٸ بويىنشا قازاقستان 181 ەلدٸڭ ٸشٸندە 37-ورىندى (تمد ەلدەرٸ بويىنشا 2-ورىن), ال ينتەرنەتكە كەڭ جولاقتى قول جەتكٸزۋ تٸركەلگەن قىزمەتتەرٸ بويىنشا - 23-ورىندا» (تمد ەلدەرٸ بويىنشا 2-ورىن), - دەپ اتاپ ٶتەدٸ ول مەجٸلٸس دەپۋتاتتارىنىڭ ساۋالىنا بەرگەن جاۋابىندا.
اسحات ورازبەكتٸڭ اتاپ ٶتۋٸنشە, قازٸرگٸ ۋاقىتتا قازاقستاندا يتەرنەتكە موبيلدٸ كەڭجولاقتى قاتىناۋ قىزمەتتەرٸن شەكتەۋلٸ وپەراتورلار (نومينالدى تٷردە 3 وپەراتور – «كسەلل» اق (Activ/Kcell), «موبايل تەلەكوم-سەرۆيس» جشس (Altel/Tele2) جەنە «كار-تەل» جشس (Beeline/izi) كٶرسەتەدٸ. بٸراق, ٸس جٷزٸندە ولاردىڭ 2 مەنشٸك يەسٸ بار. اتاپ ايتقاندا, نارىقتا 39 جەنە 61 پايىزدىق ٷلەسٸ بار «كار-تەل» جشس جەنە «قازاقتەلەكوم» اق قىزمەت ۇسىنادى.
«بۇل وپەراتورلار اراسىنداعى بەسەكەلەستٸك ەلسٸز جەنە وسى جايت كٶرسەتٸلەتٸن قىزمەتتەردٸڭ ساپاسىنا ەسەر ەتەدٸ», - دەدٸ مينيسترٸنٸڭ مٸندەتٸن اتقارۋشى.
