وليمپيادا فورماسىنىڭ سوڭعى ديزاينى وسى جازدا قازاقستان ۇلتتىق وليمپيادا كوميتەتٸنٸڭ رەسمي تانىستىرىلىمىندا كٶرسەتٸلەدٸ, – دەپ حابارلايدى Olympic.kz
توكيو وليمپياداسىنا قاتىساتىن ۇلتتىق قۇرامانىڭ كيٸم ٷلگٸسٸنٸڭ ديزاينىنا جارييالانعان اشىق كونكۋرستىڭ جەڭٸمپازدارى انىقتالدى.
كونكۋرسقا 19 قاتىسۋشى ٶز جۇمىستارىن جولدادى. ولاردىڭ بارلىعى ۇلتتىق وليمپيادا كوميتەتٸنٸڭ سايتىندا جارييالاندى.
جەڭٸمپازداردى قازاقستان ۇوك سپورت ديرەكتسيياسى مەن ۇلتتىق پاراليمپيادا كوميتەتٸ ٶكٸلدەرٸنەن, قازاقستان ۇوك سپورتشىلار كوميسسيياسىنىڭ مٷشەلەرٸنەن قۇرالعان ارنايى كوميسسييا انىقتادى.
كوميسسييانىڭ قورىتىندى وتىرىسى بويىنشا "كازسپو –N" جشس Zibroo Active Sportswear "سپورتتىق فورما" جەنە "Marino Madi" جشق "پارادتىق فورما" جەڭٸمپاز اتاندى.
"قاتىسۋشىلاردىڭ بارلىعى – قازاقستاندىق ديزاينەرلەر. بٸز ٷشٸن بۇل ٶتە قۋانىشتى جاعداي. سەبەبٸ, وليمپيادا فورماسىن دايىنداۋدا وتاندىق كەسٸپكەرلەردٸڭ ٶنٸمدەرٸن قولداۋ بٸزدٸڭ باستى ماقساتىمىز بولاتىن", - دەدٸ ۇلتتىق وليمپيادا كوميتەتٸنٸڭ رەسمي ٶكٸلٸ جٸگەر ەزبەرگەنوۆ.
ەندٸ بايقاۋ جەڭٸمپازدارى اراسىندا وليمپيادا فورماسىنىڭ ديزاينى مەن تەحنولوگييالىق تالاپتارىنىڭ تٷپكٸلٸكتٸ تۇجىرىمداماسى بويىنشا ودان ەرٸ جۇمىس جٷرگٸزٸلەدٸ.
پارادتىق جەنە سپورتتىق كيٸم ٷلگٸسٸن بەكٸتۋ ٷشٸن قازاقستاننىڭ وليمپيادا قۇراما كومانداسىنىڭ ٶكٸلدەرٸنەن ارنايى كوميسسييا قۇرىلادى.
سوڭعى شەشٸمدٸ توكيودا ٶتەتٸن جازعى وليمپياداعا قاتىساتىن سپورتشىلاردىڭ ٶزدەرٸ قابىلدايدى.
بيىل جازدا جاپونييانىڭ استاناسى توكيودا XXXII جازعى وليمپيادا ويىندارى ٶتەدٸ.
دٷبٸرلٸ دودا 24 شٸلدەدە باستالىپ, 9 تامىزعا دەيٸن جالعاسادى.
