فوتو: قر سٸم
سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ قازاقستان مەن ارمەنييا ۇقشۇ-دان بٸر مەزگٸلدە شىعۋ مەسەلەسٸن تالقىلاپ جاتقانى تۋرالى اقپاراتتى جوققا شىعاردى, دەپ حابارلايدى "ۇلت اقپارات".
"يە, بٸر اگەنتتٸكتەن وقىپ قالدىم. ەندٸ ەرٸپتەستەردەن انىقتاۋعا تىرىسامىن. "قازاقستان ۇجىمدىق قاۋٸپسٸزدٸك تۋرالى شارت ۇيىمىنان شىققالى جاتىر" دەگەن اقپارات تاراپ جاتىر. بۇل شىندىققا جاناسپايدى.
ەگەر ارمەنييا ٶز تالاپتارىن بەلگٸلەسە, سول ەلدٸڭ ٸسٸ عوي. ول تۋرالى ەشتەڭە ايتا المايمىن. ال بٸز بۇل ۇيىمنىڭ شەڭبەرٸندە ەلٸ جۇمىس ٸستەپ جاتىرمىز.
وسىدان بٸرنەشە كٷن بۇرىن ۇقشۇ-عا مٷشە ەلدەردٸڭ سىرتقى ٸستەر مينيسترلەرٸ ٶز كەڭەستەرٸن ٶتكٸزدٸ. وندا ۇيىمنىڭ ودان ەرٸ دامۋ جولدارى, ۇيىم اياسىنداعى ٶزارا ٸس-قيمىل تالقىلاندى. سوندىقتان بٸز وسى باعىتتا جۇمىس ٸستەپ جاتىرمىز", - دەدٸ ول جۋرناليستەردٸڭ سۇراعىنا جاۋاپ بەرٸپ.
ايتا كەتەيٸك, قازاقستان ۇقشۇ-دان شىعۋعا نيەتتٸ دەگەن فەيكتەر العاش رەت تاراپ جاتقان جوق. مىسالى 2022 جىلعى 15 قىركٷيەكتە دە قر سىرتقى ٸستەر مينيسترلٸگٸ وسىنداي اقپاراتتى جوققا شىعارۋعا مەجبٷر بولدى.
ەسكە سالايىق, ۇجىمدىق قاۋٸپسٸزدٸك تۋرالى شارت ۇيىمىنا مٷشە التى مەملەكەت بار: رەسەي, قازاقستان, قىرعىزستان, ارمەنييا, بەلارۋس, تەجٸكستان.
