تٷركٸ ەلٸنٸڭ اتاجۇرتى, قاسيەتتٸ قاراشاڭىراق, كيەلٸ تٷركٸستان قالاسىندا تٷركٸتٸلدەس ەلدەر پارلامەنتتٸك اسسامبلەياسى كەڭەسٸنٸڭ وتىرىسى ٶتتٸ. وندا قازاقستان تٷركپا-عا تٶراعالىق ەتۋدٸ ەزەربايجان ەلٸنەن قابىلداپ الدى, دەپ حابارلايدى قر پارلامەنتٸ مەجٸلٸسٸنٸڭ باسپاسٶز قىزمەتٸ.
مەجٸلٸس سپيكەرٸ نۇرلان نىعماتۋلين حالىقارالىق ۇيىمعا تٶراعالىق ەتۋدٸ ەرەكشە قۇرمەتپەن قابىلداپ الىپ, بۇل بٸزدٸڭ ەل ٷشٸن ٷلكەن مەرتەبە جەنە زور جاۋاپكەرشٸلٸك ەكەنٸن العا تارتتى. وسى ورايدا پالاتا سپيكەرٸ باۋىرلاس ەزٸربايجان حالقىنا شىن جٷرەكتەن العىسىن بٸلدٸردٸ.
- تٷركٸ كەڭەسٸنٸڭ وتىرىسىندا قازاقستاننىڭ تۇڭعىش پرەزيدەنتٸ, ەلباسى, تٷركپا-نىڭ نەگٸزٸن قالاۋشى, تٷركٸ كەڭەسٸنٸڭ قۇرمەتتٸ تٶراعاسى نۇرسۇلتان نازارباەۆ وسى كەڭەستٸ تولىقتاي حالىقارالىق ۇيىمعا ٶزگەرتۋ تۋرالى باستاما كٶتەرگەن بولاتىن, - دەدٸ مەجٸلٸس تٶراعاسى.
پالاتا سپيكەرٸنٸڭ ايتۋىنشا الدىمىزدا قاراشا ايىندا ىستامبۋلدا ٶتەتٸن تٷركٸ كەڭەسٸنٸڭ كەزەكتٸ وتىرىسىندا مەملەكەت باسشىلارى تيٸستٸ شەشٸم قابىلدايدى دەپ كٷتٸلۋدە. سونىمەن قاتار, ەگەر سونداي شەشٸم قابىلدانسا, اسسامبلەيانىڭ اتاۋىن تٷركٸ مەملەكەتتەرٸنٸڭ پارلامەنتتٸك اسسامبلەياسى دەپ ٶزگەرتۋدٸ ۇسىناتىنىنا توقتالدى.
- الداعى بٸر جىل ٸشٸندە بٸز قالىپتاسقان مۇراگەرلٸكتٸ ساقتاي وتىرىپ, ەلدەرٸمٸزدٸڭ اراسىنداعى بايلانىستى ودان ەرٸ تەرەڭدەتۋ, پارلامەنتارالىق ىنتىماقتاستىقتى نىعايتۋ, اسسامبلەيا اياسىن كەڭەيتۋ جەنە حالىقارالىق بەدەلٸن ارتتىرۋ جولىندا بٸرلەسە ەڭبەك ەتەتٸن بولامىز, - دەدٸ نۇرلان نىعماتۋلين.
ايتا كەتۋ كەرەك, ۇيىم قۇرىلعان كٷننەن باستاپ, ٶزارا ٸس-قيمىلدى كٷشەيتۋگە, مەملەكەتارالىق بايلانىستى نىعايتۋعا, ەلدەرٸمٸزدٸڭ حالىقارالىق بەدەلٸن ارتتىرۋعا, ايماقتىق قاۋٸپسٸزدٸكتٸ قامتاماسىز ەتۋگە ٷلكەن ٷلەس قوسىپ كەلەدٸ.
