قازاقستان تٷرٸكمەن-اۋعان شەكاراسىندا استىق تەرمينالىن سالادى. بۇل تۋرالى بٷگٸن اقوردادا تٷرٸكمەنستان پرەزيدەنتٸ سەردار بەردٸمۇحامەدوۆپەن كەلٸسسٶزدەردەن كەيٸنگٸ باق ٶكٸلدەرٸنە ارنالعان بريفينگٸدە مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«اۋىل شارۋاشىلىعىن ىنتىماقتاستىقتىڭ تاعى بٸر ٶزارا تيٸمدٸ باعىتى رەتٸندە ايقىندادىق. بۇل تۇرعىدا قازاقستاندىق بيدايدى تٷرٸكمەن نارىعىنا ەكسپورتتاۋ پەرسپەكتيۆالارىن ەگجەي-تەگجەيلٸ تالقىلادىق. تٷرٸكمەن-اۋعان شەكاراسىندا استىق تەرمينالىن سالۋ جوسپارىنا جەكە توقتالدىق. وسى ماقساتتا جوبانى ٸسكە اسىرۋ شارتتارى مەن مەرزٸمدەرٸن تالقىلايتىن بٸرلەسكەن جۇمىس توبى قۇرىلدى. سەردار بەردٸمۇحامەدوۆتٸڭ ۇسىنىسىمەن جول كارتاسى ەزٸرلەنەتٸن بولادى. ەكٸ ەلدٸڭ ٷكٸمەتتەرٸ وسى باعىتتا بەلسەندٸ جۇمىس ٸستەگەن جاعدايدا بارلىق مەسەلە وڭ شەشٸلەدٸ دەپ ويلايمىن», - دەدٸ قاسىم-جومارت توقاەۆ.
