بەيجٸڭدە قازاقستان كومانداسى تۋ ۇستاۋشىلارىنىڭ كيٸمٸ وليمپيادا ويىندارى تاريحىنداعى ٷزدٸك كوستيۋم دەپ تانىلدى. بۇل تۋرالى بەيجٸڭدەگٸ وليمپيادا ويىندارىنىڭ قورىتىندىسى بويىنشا باسپاسٶز مەسليحاتىندا ۇلتتىق وليمپيادا كوميتەتٸنٸڭ باس حاتشىسى اندرەي كريۋكوۆ ايتتى, دەپ حابارلايدى قازاقپارات.
«تۋ ۇستاۋشىنىڭ كيٸمٸ وليمپيادا ويىندارىنىڭ تاريحىندا ٷزدٸك دەپ تانىلدى. بٸز ونى سەۋٸر ايىنداعى رەسمي رەسٸم كەزٸندە وليمپيادا مۋزەيٸنە تاپسىرامىز», - دەدٸ كريۋكوۆ ورتالىق كوممۋنيكاتسييالار قىزمەتٸندە.
وسى ورايدا لوزانناداعى مۋزەي قوناقتارى قازاقستان سپورتشىلارىنىڭ كيٸم ٷلگٸسٸن تاماشالاي الادى.
قىسقى اق وليمپيادا ويىندارىنىڭ اشىلۋ سالتاناتىندا قازاقستان كومانداسىنىڭ تۋ ۇستاۋشىلارى, كونكيشٸ ەكاتەرينا ايدوۆا مەن شورت-ترەكشٸ ابزال ەجٸعاليەۆ تاريحي وبرازداعى كيٸممەن شىقتى.
ولار ساق پاتشايىمى توميريس پەن قازاق باتىرىنىڭ كەيپٸندە ەل الدىنا شىقتى. كوماندانىڭ تۋ ۇستاۋشىلارى كيەتٸن كيٸمدە نەگٸزٸنەن قازاقتىڭ ۇلتتىق ويۋ-ٶرنەگٸ «قوشقار مٷيٸز» بەينەلەنگەن. ايتا كەتەلٸك, ٶرنەك ەلەمەنتتەرٸن ديزاينەرلەر ەبٸلحان قاستەەۆ اتىنداعى مەملەكەتتٸك ٶنەر مۇراجايىمەن بٸرلەسٸپ دايىندادى. توكيو-2020 وليمپياداسىندا دا وسىنداي قادام جاسالعان بولاتىن.
