فوتو: khovar.tj
قازاقستانعا رەسمي ساپارمەن كەلگەن تەجٸكستان رەسپۋبليكاسىنىڭ سىرتقى ٸستەر مينيسترٸ سيرودجيددين مۋحريددين ەكٸ ەل اراسىندا بيىل قانداي بٸرلەسكەن جوبالار جٷزەگە اسىرىلاتىنىن ايتتى, دەپ حابارلايدى Ult.kz inbusiness.kz-كە سٸلتەمە جاساپ.
"بىلتىر ٶتكەن جوعارى دەڭگەيدەگٸ كەلٸسسٶزدەردٸڭ بٷگٸنگٸ كٷنٸ ناقتى نەتيجەلەرٸ بار. بٸرٸنشٸ, قازاقستان تەرريتوريياسىندا كٷنباعىس دەنٸن ٶڭدەپ, كٷنباعىس مايىن شىعاراتىن كەسٸپورىن سالۋ مەسەلەسٸ قاراستىرىلىپ جاتىر. بۇل ٶنٸم كەيٸن تەجٸكستانعا ەكسپورتتالاتىن بولادى. ەكٸنشٸ, قازاقستاننىڭ Freedom Bank-ٸنٸڭ تەجٸكستاندا ەنشٸلەس ۇيىمىنىڭ اشىلۋى. ٷشٸنشٸ, استانا, پاۆلودار, شىمكەنت, كٶكشەتاۋ, قوستاناي قالالارىندا تەجٸك ٶنٸمدەرٸنٸڭ ٸرٸ كٶرمەلەرٸن ٶتكٸزۋ. تٶرتٸنشٸ, تەجٸكستان تەرريتوريياسىندا جەمٸس-كٶكٶنٸس ٶنٸمدەرٸن ەكسپورتقا ەزٸرلەيتٸن بٸرلەسكەن ٸرٸ لوگيستيكالىق ورتالىقتىڭ سالىنۋى. بەسٸنشٸ, تسيفرلىق سالادا ەرٸپتەستٸك ورناتىلدى. اتاپ ايتقاندا قازاقستان ۇسىنعان تسيفرلىق جٷيەنٸ تەجٸكستاننىڭ مەملەكەتتٸك ورگاندارىنىڭ ۆەب-رەسۋرستارىنا ەنگٸزۋ جٷرگٸزٸلٸپ جاتىر", - دەدٸ ول.
سونداي-اق, سيرودجيددين مۋحريددين پرەمەر-مينيستردٸڭ ورىنباسارى – سىرتقى ٸستەر مينيسترٸ مۇرات نۇرتٸلەۋمەن كەزدەسۋٸندە ەكونوميكالىق ەرٸپتەستٸك جٶنٸندەگٸ ٷكٸمەتارالىق كوميسسييا جۇمىسىن تالقىلاعانىن ايتتى.
"ينۆەستيتسييالىق ەرٸپتەستٸك مەسەلەسٸنە اسا مەن بەرٸلدٸ. سونىڭ ٸشٸندە تەجٸكستاندا ەرتٷرلٸ سالادا قىزمەت ەتٸپ جاتقان 100-گە جۋىق قازاقستاندىق كومپانيياعا قولعابىس جاساۋ مەسەلەسٸ تالقىلاندى. ەكٸ ەلدٸڭ ەنەرگەتيكالىق ەرٸپتەستٸگٸنٸڭ بولاشاعى زور ەكەنٸن اتاپ ٶتتٸك. جۋىق ارادا ەكٸ ەل ٷكٸمەتتەرٸنٸڭ اراسىندا ەلەكتر ەنەرگيياسى جٶنٸندەگٸ كەلٸسٸمگە قول قويىلاتىنى جايلى كەلٸستٸك. بۇل قۇجات "روگۋن" گەس-ٸ ٶندٸرەتٸن ەلەكتر ەنەرگيياسىن قازاقستانعا جەتكٸزۋ مەسەلەسٸن رەتتەيدٸ", - دەدٸ ول.
