فوتو: Azattyq.org
تٶتەنشە جاعدايلار مينيسترٸ يۋريي يلين قازاقستان سۋ تاسقىنى كەزەڭٸنە ەلٸ دايىن ەمەس ەكەنٸن, ەكٸمدٸكتەر ەلٸ دە سۋ تاسقىنىنا قارسى ٸس-شارالاردىڭ ورىندالۋىنا تەك رەسمي تٷردە قارايتىنىن ايتتى, - دەپ حابارلايدى Tengrinews.kz پورتالى.
"بٷگٸندە سۋ تاسقىنى جاعدايىنا تولىق دايىندىق تۋرالى ايتۋ مٷمكٸن ەمەس.(...) 255 ەلدٸ مەكەندٸ سۋ باسۋ قاۋپٸ تٶنٸپ تۇر, بۇل - 127 مىڭنان اسا ٷي مەن 700 مىڭنان اسا ازامات. بىلتىرعى سۋ تاسقىنى كەزەڭٸن تالداۋ نەتيجەلەرٸ بويىنشا, سۋ تاسقىنىنىڭ نەگٸزگٸ سەبەپتەرٸ - ٶزەن ارنالارىنىڭ بالدىرلانۋى مەن لايلانۋى, ارىق جٷيەلەردٸڭ بولماۋى, سۋ قورعاۋ ايماقتارىندا تۇرعىن ٷيلەردٸڭ سالىنۋى", - دەدٸ يۋريي يلين ٷكٸمەت وتىرىسىندا.
مينيستردٸڭ ايتۋىنشا, تەۋەكەل دەڭگەيٸ جوعارى ٶڭٸرلەر قاتارىنا اقمولا, اقتٶبە, الماتى, اتىراۋ, شىعىس قازاقستان, جامبىل, باتىس قازاقستان, قاراعاندى, قوستاناي, سولتٷستٸك قازاقستان, تٷركٸستان وبلىستارى مەن اباي, جەتٸسۋ وبلىستارى كٸرەدٸ.
ۇلىتاۋ جەنە پاۆلودار وبلىستارىندا تەۋەكەل دەڭگەيٸ ورتاشا.
تٶتەنشە جاعدايلار مينيسترلٸگٸ باسشىسىنىڭ ايتۋىنشا, كەيبٸر ٶڭٸرلەردە سۋ تاسقىنىنا قارسى ٸس-شارالاردى جٷزەگە اسىرۋ بويىنشا تاپسىرمالاردى ورىنداۋعا ەلٸ دە رەسمي كٶزقاراس بار.
"ٷكٸمەت وتىرىستارىنىڭ قورىتىندىسىنا قاراماستان, ەكٸمدٸكتەر 2022 جىلعا كٶزدەلگەن جول كارتاسىنىڭ بارلىق ٸس-شارالارىن ٸسكە اسىرعان جوق. بٷگٸندە 68-دەن 15,6 ميلليارد تەڭگەگە 41-ٸس-شارانى ٸسكە اسىرۋ اياقتالعان جوق. بۇعان جەرگٸلٸكتٸ بيۋدجەتتەردەن قاراجاتتىڭ بٶلٸنبەۋٸ نەمەسە ۋاقتىلى بٶلٸنبەۋٸ ىقپال ەتتٸ. ٶتكەن جىلدارداعى تەجٸريبە بويىنشا, ەلدٸ مەكەندەردٸ سۋ باسۋ قاۋپٸنٸڭ الدىن الۋدا قاردىڭ ۋاقتىلى شىعارىلۋى, سۋ ايداۋ قۇرالدارىنىڭ بولۋى جەنە ٶزەندەردەگٸ مۇزدىڭ ەلسٸرەۋٸ ٷلكەن ماڭىزعا يە", - دەپ تولىقتىردى يلين.
