Foto: Azattyq.org
Tótenshe jaǵdailar ministri Iýrii Ilin Qazaqstan sý tasqyny kezeńine áli daiyn emes ekenin, ákimdikter áli de sý tasqynyna qarsy is-sharalardyń oryndalýyna tek resmi túrde qaraitynyn aitty, - dep habarlaidy Tengrinews.kz portaly.
"Búginde sý tasqyny jaǵdaiyna tolyq daiyndyq týraly aitý múmkin emes.(...) 255 eldi mekendi sý basý qaýpi tónip tur, bul - 127 myńnan asa úi men 700 myńnan asa azamat. Byltyrǵy sý tasqyny kezeńin taldaý nátijeleri boiynsha, sý tasqynynyń negizgi sebepteri - ózen arnalarynyń baldyrlanýy men lailanýy, aryq júielerdiń bolmaýy, sý qorǵaý aimaqtarynda turǵyn úilerdiń salynýy", - dedi Iýrii Ilin Úkimet otyrysynda.
Ministrdiń aitýynsha, táýekel deńgeii joǵary óńirler qataryna Aqmola, Aqtóbe, Almaty, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanai, Soltústik Qazaqstan, Túrkistan oblystary men Abai, Jetisý oblystary kiredi.
Ulytaý jáne Pavlodar oblystarynda táýekel deńgeii ortasha.
Tótenshe jaǵdailar ministrligi basshysynyń aitýynsha, keibir óńirlerde sý tasqynyna qarsy is-sharalardy júzege asyrý boiynsha tapsyrmalardy oryndaýǵa áli de resmi kózqaras bar.
"Úkimet otyrystarynyń qorytyndysyna qaramastan, ákimdikter 2022 jylǵa kózdelgen Jol kartasynyń barlyq is-sharalaryn iske asyrǵan joq. Búginde 68-den 15,6 milliard teńgege 41-is-sharany iske asyrý aiaqtalǵan joq. Buǵan jergilikti biýdjetterden qarajattyń bólinbeýi nemese ýaqtyly bólinbeýi yqpal etti. Ótken jyldardaǵy tájiribe boiynsha, eldi mekenderdi sý basý qaýpiniń aldyn alýda qardyń ýaqtyly shyǵarylýy, sý aidaý quraldarynyń bolýy jáne ózenderdegi muzdyń álsireýi úlken mańyzǵa ie", - dep tolyqtyrdy Ilin.
