قازاقستان ٷكٸمەتٸ ينۆەستيتسييالىق ساياساتتىڭ جاڭا تۇجىرىمداماسىن بەكٸتتٸ, دەپ حابارلايدى Sputnik قازاقستان.
پرەزيدەنتتٸڭ تاپسىرماسىمەن ينۆەستيتسييالىق ساياساتتىڭ جاڭا تۇجىرىمداماسى ەزٸرلەندٸ.
"بۇل قۇجات ەل ەكونوميكاسىنا تارتىلاتىن ينۆەستيتسييالاردىڭ ٶسۋٸنە ايتارلىقتاي ىقپال ەتەدٸ. جالپى, بٸز ينۆەستيتسييا ٶسٸمٸنٸڭ پاندەميياعا دەيٸنگٸ دەڭگەيٸنە جەتتٸك. بيىلعى جىلدىڭ 5 ايىندا نەگٸزگٸ كاپيتالعا سالىنعان ينۆەستيتسييالار كٶلەمٸ 2,5%-كە ٶسٸپ, 4,1 تريلليون تەڭگەنٸ قۇرادى", - دەدٸ پرەمەر-مينيستر سمايىلوۆ ٷكٸمەت وتىرىسىندا.
ٶڭٸرلەر اراسىندا بيىل اقمولا وبلىسى, شىمكەنت جەنە الماتى قالالارى نەگٸزگٸ كاپيتالعا سالىنعان ينۆەستيتسييا ٶسٸمٸنٸڭ جوعارى قارقىنىن كٶرسەتٸپ وتىر. ال تٷركٸستان جەنە قاراعاندى وبلىستارىندا بۇل كٶرسەتكٸش ايتارلىقتاي تٶمەندەپ كەتكەن.
2021 جىلدىڭ قورىتىندىسى بويىنشا قازاقستانعا تارتىلعان تٸكەلەي شەتەلدٸك ينۆەستيتسييانىڭ جالپى كٶلەمٸ الدىڭعى جىلمەن سالىستىرعاندا 38%-كە ٶسٸپ, شامامەن 24 ميلليارد دوللاردى قۇرادى.
"قازاقستان – تٸكەلەي شەتەلدٸك ينۆەستيتسييا ٷشٸن تارتىمدى ەل جەنە بۇل جاعىنان ورتالىق ازييا ٶڭٸرٸندە كٶش باستاپ تۇر. قازٸرگٸ جاعدايدا بٸز وسى پوزيتسييانى نىقتاي تٷسٸپ, شەتەلدٸك ينۆەستيتسييا ٷشٸن كٷرەستە بەلسەندٸ قيمىلداۋىمىز كەرەك جەنە ينۆەستورلارعا بارىنشا وڭتايلى جاعداي جاساۋىمىز قاجەت", - دەدٸ ٷكٸمەت باسشىسى.
سونداي-اق ەكونوميكانىڭ شيكٸزاتتىق ەمەس سەكتورلارىندا ينۆەستيتسييالىق جوبالاردى قارجىلاندىرۋ كٶزدەرٸن كەڭەيتۋ كەرەك.
سمايىلوۆ بٷگٸن ۇسىنىلىپ وتىرعان ينۆەستيتسييالىق ساياسات تۇجىرىمداماسى ەكونوميكانى دامىتۋدىڭ جەنە حالىقتىڭ ەل-اۋقاتىن ارتتىرۋدىڭ درايۆەرٸنە اينالاتىن جاڭا ينۆەستيتسييالىق تسيكلدٸڭ باستاۋى بولۋعا تيٸس ەكەنٸن اتاپ ٶتتٸ.
"تۇجىرىمدامادا 2026 جىلى نەگٸزگٸ كاپيتالعا ينۆەستيتسييا دەڭگەيٸن جالپى ٸشكٸ ٶنٸمنٸڭ 25,1%-نە دەيٸن جەتكٸزۋدٸ جەنە تٸكەلەي شەتەلدٸك ينۆەستيتسييا كٶلەمٸن 25,5 ميلليارد دوللارعا دەيٸن ۇلعايتۋدى كٶزدەيتٸن اۋقىمدى ماقساتتى ينديكاتورلار بەلگٸلەنگەن", - دەدٸ پرەمەر.
مەملەكەتتٸك ينۆەستيتسييالىق ساياسات ساپالى شەتەلدٸك جەنە ٸشكٸ ينۆەستيتسييانى تارتۋعا, ەكونوميكالىق بەلسەندٸلٸكتٸ ارتتىرۋعا جەنە حالىقتىڭ تابىسىن ۇلعايتۋعا, ونىڭ ٸشٸندە جاڭا تۇراقتى جۇمىس ورىندارىن قۇرۋعا باعىتتالادى.
ٷكٸمەت تۇجىرىمدامانى بەكٸتتٸ.
