ەلٸمٸزدە شەنەۋنٸكتەردٸڭ سىبايلاس جەمقورلىققا قارسى تٶزٸمدٸلٸگٸ مەن تۇراقتىلىعىنا تەكسەرۋ جٷرمەك. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ وكق-دە ٶتكەن باسپاسٶز مەسليحاتىندا مەلٸم ەتتٸ, دەپ حابارلايدى قازاقپارات.
«سىبايلاس جەمقورلىققا قارسى ساياسات قىزمەتٸنٸڭ 2022 – 2026 جىلدارعا ارنالعان تۇجىرىمداماسى بار. ونىڭ اياسىندا پاراقورلىقتى ازايتۋ ماقساتىندا شەنەۋنٸكتەردٸڭ سىبايلاس جەمقورلىققا تٶزبەۋٸنە, تۇراقتىلىعىنا تەكسەرۋ (integrity check) جٷرگٸزۋ جوسپارلانىپ وتىر. بۇل ادال ەمەس قىزمەتكەرلەردٸ ۋاقتىلى انىقتاۋعا جەنە جۇمىستان بوساتۋعا مٷمكٸندٸك بەرەدٸ», - دەدٸ مارات احمەتجانوۆ بريفينگتە.
سونداي-اق ۆەدومستۆو باسشىسى اتالعان تۇجىرىمداما اياسىندا مينيسترلەر مەن ەكٸمدەردٸ باعالاۋ جٷيەسٸ دە قاراستىرىلعانىن تٸلگە تيەك ەتتٸ.
«ادامنىڭ سىبايلاس جەمقورلىق قىلمىس جاساپ, مەملەكەتكە زييان كەلتٸرگەنٸن كٷتپەي-اق, زاڭدى تەرتٸپتٸك شارالار ارقىلى شىعىنسىز, تٷبەگەيلٸ جويۋعا بولادى. مۇنداي شارالار مەملەكەتتٸك قىزمەتكە بايۋ ٷشٸن كەلۋدٸ توقتاتىپ, ۇزاق مەرزٸمدٸ كەلەشەكتە پاراساتتى كەسٸبي ۇرپاق قالىپتاستىرۋدى قامتاماسىز ەتەدٸ. سونىمەن قاتار, بٸزدٸڭ اگەنتتٸك قوعام ٷنٸنە قۇلاق اسۋ ٷشٸن جەمقورلىقپەن كٷرەستٸڭ ۇلتتىق يندەكسٸن بەكٸتۋدٸ ۇسىنىپ وتىر. شەنەۋنٸكتەر مەن قىزمەتكەرلەردٸ تەكسەرۋ, باعالاۋ جٷيەسٸ جوبالىق نەگٸزدە ەنگٸزٸلەتٸن بولادى», - دەيدٸ ول.
