«قازاقستان» رترك» اق باسقارما تٶراعاسى ەرلان قارين يندونەزييادا ٶتٸپ جاتقان ازيادا ويىندارىنىڭ «Qazsport» تەلەارناسىنان كٶرسەتٸلمەۋٸنە بايلانىستى تٷسٸنٸك بەردٸ. بۇل تۋرالى ول ەلەۋمەتتٸك جەلٸدەگٸ پاراقشاسىندا جازدى.
«Qazsport» تەلەارناسى, جالپى «قازاقستان» كورپوراتسيياسى مٷمكٸندٸگٸنشە بٸرقاتار اۋقىمدى سپورتتىق شارالاردى كٶرسەتۋ قۇقىعىن الۋعا بارىنشا اتسالىسىپ كەلەدٸ. قازٸرگٸ كەزدە يندونەزييادا ٶتٸپ جاتقان ازيادا ويىندارىن كٶرسەتۋ جوسپارىمىزدا بولعان, تٸپتٸ قاجەتتٸ قاراجات تا بيۋدجەتٸمٸزدەن قاراستىرىلىپ قويعان ەدٸ. بٸراق, وسى جولى ازيادانىڭ ليتسەنزييالىق قۇقىعىن ساتىپ الۋ ەلدەقايدا جوعارى بولعاندىقتان, ترانسلياتسييالاۋدان باس تارتۋعا مەجبٷر بولدىق», - دەيدٸ ول.
باسقارما تٶراعاسىنىڭ ايتۋىنشا, تەلەارنا مەنەدجەرلەرٸ ازيادا ويىندارىنىڭ قۇقىعىن ساتىپ الۋ جٶنٸندە 2017 جىلدىڭ جەلتوقسان ايىنان باستاپ وسى كەزگە دەيٸن كەلٸسسٶزدەر جٷرگٸزگەن. الايدا, جوعارىدا ايتقانداي, وسى جىلعى ازيادا ويىنىنىڭ ليتسەنزيياسى جازعى وليمپيادا ويىندارى مەن تاعى دا باسقا ەلەمدٸك دەڭگەيدەگٸ سپورتتىق شارالاردىڭ باعاسىنا قاراعاندا بٸرنەشە ەسە جوعارى بولعان.
«بٸز ٶز تاراپىمىزدان حالىقارالىق سپورتتىق ۇيىمداردى بۇل جايىندا ەسكەرتتٸك. بٸراق, ازيادا ويىندارىنىڭ قۇقىعى xالىقارالىق جەكەمەنشٸك كومپانييادا بولعاندىقتان, حالىقارالىق وليمپيادا كوميتەتٸ دە, ازيالىق كەڭەس تە ارالاسۋعا قۇقىعى جوق. ازيادا ويىندارىنىڭ كٶرسەتٸلٸمٸنەن تەك بٸز عانا ەمەس, كەيبٸر كٶرشٸ مەملەكەتتەردٸڭ دە ۇلتتىق تەلەارنالارى باس تارتۋعا مەجبٷر بولدى. جەنە دە ليتسەنزييا باعاسى, ەر ەلدٸڭ ەكونوميكاسى مەن تەلەنارىقتىڭ دامۋ دەڭگەيٸنە بايلانىستى ەر تٷرلٸ. سوندىقتان, بٸز ٶز تاراپىمىزدان بارلىق قازاقستاندىقتار مەن تەلەكٶرەرمەندەرٸمٸزدەن وسى جاعداي ٷشٸن كەشٸرٸم سۇرايمىز», - دەيدٸ ەرلان قارين مىرزا.
دەگەنمەن «قازاقستان» رترك» سپورت الامانىنان ارنايى حابارلار دايىنداپ, جانكٷيەرلەر ٷشٸن ماڭىزدى اقپاراتتار تاراتۋعا اتسالىساتىنىن ايتادى.
«مٷمكٸندٸگٸمٸزشە ازيادا ويىندارىنىڭ جاڭالىقتارىن تاراتۋ ٷشٸن «Qazsport» تەلەارناسىنان ارنايى تٷسٸرٸلٸم توبى دجاكارتاعا جٸبەرگەن بولاتىنبىز. «Qazsport» جەنە «Qazaqstan» تەلەارنالارىندا ارنايى جاڭالىقتار كەڭٸنەن بەرٸلۋدە. سونىمەن قاتار, «Qazsport» تەلەارناسىندا ەكسكليۋزيۆتٸ ماتەريالدارمەن ازيادا كٷندەلٸكتەرٸ شىعىپ جاتىر. «قازاقستان» تەلەراديوكورپوراتسيياسى ەرٸ قاراي ماڭىزدى سپورتتىق كٶرسەتٸلٸمدەرمەن قامتاماسىز ەتۋ جۇمىستارىن جالعاستىرادى», - دەيدٸ باسقارما تٶراعاسى.
