قازاقستان رەسپۋبليكاسى ستاتيمەن داۋدا جەڭدٸ. بەلگييانىڭ اپەللياتسييالىق سوتى 530 ميلليون اقش دوللارىن قۇرايتىن تٶرەلٸك شەشٸمدٸ تانۋ جەنە ورىنداۋ تۋرالى شەشٸمنٸڭ كٷشٸن جويىپ, ستاتي تٶرەلٸك تريبۋنال مەن شۆەتسييا سوتتارىن جاڭىلىستىردى دەگەن قورىتىندىعا كەلدٸ. بۇل تۋرالى قر ەدٸلەت مينيسترلٸگٸنەن مەلٸم ەتتٸ, دەپ حابارلايدى قازاقپارات.
«مولدوۆا وليگارحتارى اناتول مەن گابريەل ستاتيدٸ («ستاتي») جاۋاپقا تارتۋ ٷشٸن ۇزاق كٷرەستە قازاقستان رەسپۋبليكاسى تٷبەگەيلٸ جەڭٸسكە جەتتٸ.
2021 جىلعى 16 قاراشادا بەلگييانىڭ اپەللياتسييالىق سوتى ستاتيدٸڭ ٸرٸ كٶلەمدەگٸ الاياقتىق سحەماعا قاتىسى بار, ول تەك تٶرەلٸك سوتتى عانا ەمەس, سونىمەن قاتار شەشٸمنٸڭ كٷشٸن جويۋ جٶنٸندەگٸ پروتسەسس كەزٸندە شۆەتسييا سوتتارىن دا جاڭىلىستىردى دەگەن شەشٸمدٸ شىعاردى. سوتتىڭ پٸكٸرٸنشە, بۇل الاياقتىق سحەما تٶرەلٸك سوتتىڭ جاۋاپكەرشٸلٸك پەن شىعىنداردى ٶتەۋ مەسەلەلەرٸنە قاتىستى قورىتىندىلارىنا تٸكەلەي ەسەر ەتكەن. سونىڭ نەگٸزٸندە اپەللياتسييالىق سوت تٶمەنگٸ ساتىداعى سوتتىڭ 530 ميلليون اقش دوللارىن قۇرايتىن تٶرەلٸك شەشٸمدٸ تانۋ جەنە ورىنداۋ تۋرالى شەشٸمنٸڭ تولىقتاي كٷشٸن جويدى.
King & Spalding زاڭ فيرماسى تٶرەلٸكتە ستاتيدٸڭ مٷددەسٸن قورعاعان جەنە ولاردىڭ جالعان تٶرەلٸك شەشٸمدەرٸن, سونىڭ ٸشٸندە شۆەتسييا مەن بەلگييادا تانۋ جەنە ورىنداۋ بويىنشا دٷنيەجٷزٸلٸك ەرەكەتتەرٸن ٷيلەستٸرگەن», - دەلٸنگەن ەدٸلەت مينيسترلٸگٸ تاراتقان حابارلامادا.
بۇدان بۇرىن حابارلانعانداي, 2017 جىلعى جەلتوقساندا ستاتي تٶرەلٸك شەشٸمدٸ تانۋ تۋرالى سىرتتاي قاۋلى الدى, ول كەيٸننەن 2019 جىلعى جەلتوقساندا بەلگييانىڭ بٸرٸنشٸ ينستانتسييا سوتىنىڭ قاۋلىسىمەن راستالدى. الايدا, بۇل ەكٸ شەشٸم دە ستاتيدٸڭ الاياقتىعىنىڭ جاڭا دەلەلدەرٸن قامتىمايتىن شەكتەۋلٸ فاكتولوگييالىق بازاعا نەگٸزدەلگەن.
2020 جىلدىڭ قاراشاسىندا بريۋسسەلدٸڭ اپەللياتسييالىق سوتى ستاتيدٸڭ قارسىلىعىنا قاراماستان, الاياقتىق تۋرالى ماتەريالدى تولىق كٶلەمدە ۇسىنۋ تۋرالى رەسپۋبليكانىڭ ٶتٸنٸشٸن قاناعاتتاندىردى.
ەندٸ اپەللياتسييالىق سوت ستاتي اۋقىمدى الاياقتىق سحەماعا قاتىسقانىن جەنە نەتيجەسٸندە تٶرەلٸك شەشٸم تانىلماۋى نەمەسە ورىندالماۋى تيٸس دەگەن قازاقستان رەسپۋبليكاسىنىڭ پوزيتسيياسىن راستادى.
«اپەللياتسييالىق سوتتىڭ بۇل شەشٸمٸ Bank of New York Mellon-دا ساقتالاتىن قازاقستان ۇلتتىق قورىنىڭ 530 ميلليون دوللاردان اساتىن اكتيۆتەرٸنە ۋاقىتشا تىيىم سالۋدىڭ كٷشٸن جويۋعا نەگٸز بولادى», - دەدٸ مينيسترلٸكتەن.
قازاقستاننىڭ ەدٸلەت مينيسترٸ مارات بەكەتاەۆ بۇل مەسەلەگە قاتىستى: «بۇل ستاتي مەن ولاردىڭ سىبايلاستارىنا قارسى رەسپۋبليكانىڭ كٶپجىلدىق كٷرەسٸندەگٸ ماڭىزدى شەشٸم. ستاتيدٸڭ الاياقتىعى تۋرالى رەسپۋبليكا ۇسىنعان ماتەريالداردى تولىعىمەن وسى سوت العاش رەت قارادى. بارلىق قولدا بار دەلەلدەمەلەردٸ مۇقييات تالداعاننان كەيٸن اپەللياتسييالىق سوت بٸزدٸڭ ەلگە, ستاتيدٸڭ اۋديتورلارىنا (KPMG), تٶرەلٸك سوتقا جەنە تٶرەلٸك شەشٸمنٸڭ كٷشٸن جويۋدى قاراعان شۆەد سوتتارىنا قاتىستى ستاتيدٸڭ الاياقتىق جاساعاندىعىن راستادى. بۇل شەشٸم ستاتيگە عانا ەمەس, سونىمەن قاتار ولاردىڭ كەسٸبي كەڭەسشٸلەرٸنە دە اۋىر سالدار تۋعىزادى. بۇل ستاتيگە ەلٸ دە كٶمەكتەسٸپ, ولاردىڭ زاڭسىز سحەمالارىنا قولداۋ كٶرسەتەتٸندەر, سونىڭ ٸشٸندە دانيەل چاپمان مەن ونىڭ Argentem Creek كومپانييالار توبى ٷشٸن «قايتارىلمايتىن» نٷكتە بولۋى تيٸس. ەدٸلەت مينيسترلٸگٸنٸڭ اتىنان ستاتي مەن ولاردىڭ بارلىق سىبايلاستارى جاۋاپقا تارتىلماعانشا, بٸز ٶز ۇستانىمىمىزدا تۇراتىندىعىمىزدى حابارلايمىز», - دەپ اتاپ ٶتتٸ.
ستاتي ٸسٸنە قاتىستى تولىق اقپارات ەدٸلەت مينيسترلٸگٸنٸڭ رەسمي سايتىندا ورنالاستىرىلعان.
