رەسەيدە ٶتٸپ جاتقان 2018 جىلعى پرەزيدەنت سايلاۋىندا قازاقستان رەسپۋبليكاسىنان بارعان 203 باقىلاۋشى فەدەراتسييانىڭ 23 سۋبەكتٸسٸندە باقىلاۋ جٷرگٸزۋدە. بۇل تۋرالى قازاقستان رەسپۋبليكاسى ورتالىق سايلاۋ كوميسسيياسىنىڭ باسپاسٶز قىزمەتٸ حابارلايدى.
تەۋەلسٸز مەملەكەتتەر دوستاستىعى ميسسيياسى قۇرامىندا 136 قازاقستاندىق, شانحاي ىنتىماقتاستىق ۇيىمى ميسسيياسىنان - ٷش, سونداي-اق, دياقب/ەقىۇ قۇرامىندا 39 باقىلاۋشى بار.
قازاقستان رەسپۋبليكاسى ورتالىق سايلاۋ كوميسسيياسىنان باقىلاۋشىلار دەلەگاتسيياسىن تٶراعا بەرٸك يماشەۆ باسقارادى. سونىمەن قاتار, سايلاۋدى باقىلاۋعا قر وسك تٶراعاسىنىڭ ورىنباسارى كونستانتين پەتروۆ, قر وسك حاتشىسى سەبيلا مۇستافينا, قر وسك مٷشەسٸ زەۋرەش بايمولدينا جەنە ورتسايكومنىڭ اپپارات قىزمەتكەرلەرٸ قاتىسۋدا.
پارلامەنتارالىق ٶزارا ەرەكەت شەڭبەرٸندە قازاقستان رەسپۋبليكاسى پارلامەنتٸ اتىنان 25 باقىلاۋشى, ونىڭ ٸشٸندە تمد پارلامەنتارالىق اسسامبلەياسىنان (6), ەقىۇ پارلامەنت اسسامبلەياسىنان (10), ۇقشۇ (2) جەنە مەملەكەتتٸك دۋما مەن فەدەراتسييا كەڭەسٸنٸڭ شاقىرۋى بويىنشا (7) باقىلاۋشى جۇمىس جٷرگٸزۋدە.
رەسەي تاراپى بۇل سايلاۋدا قازاقستاننىڭ باقىلاۋشىلار سانى بويىنشا الدا كەلە جاتقانىن اتاپ ٶتتٸ.
