بٸرنەشە كٷن بۇرىن رەسەي موبيليزاتسييا جارييالاعان سوڭ, قازاقستان-رەسەي شەكاراسىندا بٸرنەشە شاقىرىمعا سوزىلعان كٶلٸك كەپتەلٸسٸ بولعان ەدٸ. ونىمەن قويماي وسى جاعدايدى پايدالانعاندار تٷرلٸ كەسٸپ ٶركەندەتكەن. رەسەي جاقتان ازىق-تٷلٸك پەن بەنزيندٸ قىمبات باعادا ساتسا, بٸزدٸڭ ەلدە تاكسي جٷرگٸزۋشٸلەرٸ پايداعا كەنەلگەن. الايدا, 2 قازاندا جاعداي ٶزگەرٸپ, كەپتەلٸس باسىلعان, - دەپ حابارلايدى Tengrinews.kz اگەنتتٸگٸ "موي گورود" باسىلىمىنا سٸلتەمە جاساپ.
باسىلىم مەلٸمەتٸنشە, "سىرىم" (رەسەي جاعىنان "ماشتاكوۆو") شەكاراسىندا قازاقستان جاعىنان جەتٸ شاقىرىمعا سوزىلعان جٷك كٶلٸكتەرٸنٸڭ كەزەگٸ 2 شاقىرىمعا دەيٸن قىسقارىپتى. كەزەك كٷتكەن جەڭٸل اۆتوكٶلٸكتەر مٷلدەم بولماعان. جول جيەگٸندە قوقىس كٶپ. بوس بٶتەلكەلەر مەن سٶمكەلەردٸ جەل ۇشىرىپ جاتىر.
تاكسي جٷرگٸزۋشٸلەرٸنٸڭ دە قاراسى ازايىپتى. شەكارادان حالىق اعىلعان العاشقى كٷندەرٸ تاكسي جٷرگٸزۋشٸلەرٸ بەكەتتەن ورالعا جەتۋ ٷشٸن 2000 رۋبل (16 000 تەڭگەدەن سەل اسادى) قاراجات سۇراعان. ال قازٸر باعا ەكٸ ەسە تٶمەندەگەن.
شەكارادا رەسەي جاعىنان ترانزيتتٸك جٷك كٶلٸكتەرٸ مەن ٶزبەكستان ازاماتتارىنىڭ وتىز شاقتى جەڭٸل كٶلٸگٸ عانا بولدى. 29 قىركٷيەكتە بقو-عا كەلٸپ, 2 قازاندا دوسىن كٷتٸپ وتىرعان رەسەيلٸك جاعدايدى تٷسٸندٸردٸ.
"28 قىركٷيەكتە موبيليزاتسييا بويىنشا شاقىرتۋ العاندار ەشقايدا كەتە المايدى. ال قالعاندارى شەكارادان كەدەرگٸسٸز ٶتٸپ جاتىر", – دەدٸ ەر ادام.
