مەسكەۋدە «قازاقستان جەنە رەسەي: ستراتەگييالىق ەرٸپتەستٸك پەن جان-جاقتى ىنتىماقتاستىقتىڭ 30 جىلى» تاقىرىبىندا حالىقارالىق عىلىمي-تەجٸريبەلٸك كونفەرەنتسييا ٶتتٸ. وسى ٸس-شاراعا وراي قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتى ديرەكتورىنىڭ ورىنباسارى الۋا جولدىبالينا پٸكٸر بٸلدٸردٸ, دەپ حابارلايدى قازاقپارات.
«بيىل قازاقستان تەۋەلسٸزدٸگٸنٸڭ 30 جىلدىق مەرەيتويىن اتاپ ٶتەدٸ. ياعني, بۇل جىل قورىتىندى شىعارۋ مەن ٶتكەن جولدى ۇعىنۋدىڭ ماڭىزدى كەزەڭٸ ەرٸ شەبٸ بولماق. وسى ورايدا جاڭا زامان تاريحى قازاقستان-رەسەي ىنتىماقتاستىعىنىڭ قارىشتى دامۋى مەن جوعارى نەتيجەلٸلٸگٸ ٶزارا قۇرمەت, تەڭ قۇقىلىق جەنە ستراتەگييالىق ەرٸپتەستٸك قاعيداتتارىنا نەگٸزدەلگەنٸن كٶرسەتتٸ. بۇل ەكٸ ەلدٸڭ كٶشباسشىلارى, قازاقستان رەسپۋبليكاسى مەن رەسەي فەدەراتسيياسىنىڭ بٸرٸنشٸ پرەزيدەنتتەرٸ ن.ە.نازارباەۆ پەن ب.ن.ەلتسين, قر جەنە رف پرەزيدەنتتەرٸ ق.ك.توقاەۆ پەن ۆ.ۆ.پۋتيننٸڭ, مەملەكەتتٸك جەنە قوعام قايراتكەرلەرٸنٸڭ, سونداي-اق عىلىمي-ساراپشىلىق قوعامداستىقتىڭ زور ەڭبەگٸ», - دەدٸ ول.
ونىڭ اتاپ ٶتۋٸنشە, حالىقارالىق عىلىمي-تەجٸريبەلٸك كونفەرەنتسييا جۇمىسى ەكٸ سەسسييا اياسىندا ٶتتٸ. «قازاقستان-رەسەي قارىم-قاتىناسى: تاريحتان بٷگٸنگە دەيٸن» اتتى بٸرٸنشٸ سەسسيياسىنىڭ اياسىندا ەكٸ ەلدٸڭ تاتۋ كٶرشٸلٸك قاتىناستارىنىڭ نەگٸزٸ رەتٸندە حالىقتار اراسىنداعى تاريحي-مەدەني بايلانىس مەسەلەلەرٸ تالقىلاندى. سونداي-اق, قازاق حاندىعى مەن رەسەي مەملەكەتٸ اراسىندا 16-17 عاسىرلارداعى قاتىناستاردىڭ العاشقى كەزەڭٸندەگٸ ديپلوماتييالىق بايلانىستار تاريحىنا قاتىستىنىڭ مەسەلەلەرٸ قوزعالدى. ال «حح عاسىر جەنە تەۋەلسٸزدٸك. قازاقستان مەن رەسەي اراسىنداعى ستراتەگييالىق سەرٸكتەستٸك پەن وداقتاستىقتى دامىتۋ» تاقىرىبىنداعى ەكٸنشٸ سەسسييا جۇمىسى XX عاسىردىڭ تاريحى مەن پوستكەڭەستٸك كەزەڭدە ەكٸجاقتى قاتىناستاردىڭ قۇقىقتىق نەگٸزدەرٸن نىعايتۋداعى مەملەكەتارالىق ٶزارا ەرەكەتتەسۋدٸڭ تۇراقتىلىق پەن قاۋٸپسٸزدٸك كەپٸلٸ مەسەلەسٸنە, قازٸرگٸ گەوساياسي پروتسەستەر كونتەكستٸندەگٸ قازاقستان-رەسەي قاتىناستارىن تالداۋ سۇراقتارىنا ارنالدى.
«حالىقارالىق كونفەرەنتسييا قازاقستاندىق جەنە رەسەيلٸك عالىمداردىڭ تاريحي مۇرانىڭ وبەكتيۆتٸ جەنە تەڭگەرٸمدٸ باعالانۋىن ٸلگەرٸلەتۋگە ەرٸ تەۋەلسٸز دامۋدىڭ جاڭا كەزەڭٸندە ەكٸجاقتى قاتىناستاردىڭ سەنٸمدٸ, تاتۋ كٶرشٸلٸك نەگٸزدەرٸن نىعايتۋعا بٸرلەسە اتسالىسۋ دەستٷرٸن جالعاستىردى. عىلىمي فورۋم ەكٸ مەملەكەت اراسىنداعى قاتىناستار تاريحىنداعى «اقتاڭداقتى» جويۋ بويىنشا قازاقستاندىق جەنە رەسەيلٸك تاريحشىلاردىڭ بٸرلەسكەن جۇمىسىنىڭ باستالۋىنا نەگٸز بولادى», - دەدٸ الۋا جولدىبالينا.
ايتا كەتەيٸك, قر-نىڭ رف-داعى ەلشٸلٸگٸنٸڭ قولداۋىمەن ٶتكەن كونفەرەنتسييانى قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتى مەن رەسەي عىلىم اكادەميياسىنىڭ شىعىستانۋ ينستيتۋتى ۇيىمداستىردى. عىلىمي فورۋم جۇمىسىنا قازاقستاندىق جەنە رەسەيلٸك تاريحشى-عالىمدار, ساياساتتانۋشىلار, حالىقارالىق قاتىناستار ماماندارى, قر جەنە رف پارلامەنتتەرٸنٸڭ دەپۋتاتتارى قاتىستى.
