مەملەكەت باسشىسىنا ۇلتتىق بانك تٶراعاسى ەربولات دوساەۆ جەنە باسقارما مٷشەلەرٸ ەكٸنشٸ دەڭگەيدەگٸ بانكتەر اكتيۆتەرٸنٸڭ ساپاسىن باعالاۋ بويىنشا ٶتكەن جىلعى قارجى-نەسيە ساياساتىنا قاتىستى جٷرگٸزٸلگەن جۇمىستاردىڭ قورىتىندىلارى, ۇلتتىق بانكتٸڭ التىن-ۆاليۋتا رەزەرۆٸنٸڭ احۋالى جەنە ۇلتتىق قوردىڭ اكتيۆتەرٸ جٶنٸندە ەسەپ بەردٸ, – دەپ حابارلايدى اقوردا.
قاسىم-جومارت توقاەۆقا ۇلتتىق بانكتٸڭ داعدارىسقا قارسى باستامالارى, 2020 جىلدىڭ ەكٸنشٸ جارتىجىلدىعىنا ارنالعان جوسپارى جەنە كوروناۆيرۋس پاندەميياسى كەزٸندەگٸ قارجى تۇراقتىلىعىن قامتاماسىز ەتۋ ٷشٸن قابىلداعان شارالارى تۋرالى باياندالدى.
قازاقستان پرەزيدەنتٸ ٶز سٶزٸندە قازٸرگٸ جاعدايدا اقشا-نەسيە ساياساتىن تيٸمدٸ ٸسكە اسىرۋدىڭ ماڭىزدىلىعىن اتاپ ٶتٸپ, 2030 جىلعا دەيٸنگٸ اقشا-نەسيە ساياساتىن ٸسكە اسىرۋ ستراتەگيياسىن ەزٸرلەۋ بارىسىندا حالىقارالىق نارىقتاعى ٸرگەلٸ ٷردٸستەردٸ ەسكەرۋ قاجەتتٸگٸن ايتتى. جاڭا ستراتەگييا ەلٸمٸزدەگٸ ماكروەكونوميكالىق تۇراقتىلىقتى قامتاماسىز ەتٸپ, قارجى جٷيەسٸنٸڭ ورنىقتى دامۋىنا تىڭ سەرپٸن بەرۋٸ كەرەك. مەملەكەت باسشىسى ۇلتتىق بانككە, قارجى نارىعىن رەتتەۋ جەنە دامىتۋ اگەنتتٸگٸنە AQR قورىتىندىسى بويىنشا جول كارتاسىن جٷزەگە اسىرۋدى جالعاستىرۋدى, وتاندىق بانك سەكتورىنىڭ ساپاسىنا بەلگٸلەنگەن مەرزٸم بويىنشا باعالاۋ جٷرگٸزۋدٸ تاپسىردى. پرەزيدەنت ايىرباس باعامىنىڭ تۇراقتىلىعىن قامتاماسىز ەتۋدٸ ماڭىزدى مەسەلە رەتٸندە اتاپ ٶتتٸ.
– بۇل مەسەلەدە ٷكٸمەت پەن ۇلتتىق بانك ٷيلەسٸمدٸ جۇمىس ٸستەۋٸ قاجەت ەكەنٸن اتاپ ايتقىم كەلەدٸ. كۆازيمەملەكەتتٸك كومپانييالارداعى باسى ارتىق ۆاليۋتانى ٸشكٸ نارىققا ساتۋ تەجٸريبەسٸن جالعاستىرا بەرۋ كەرەك. ۇلتتىق بانك قاجەت بولعان جاعدايدا ايىرباس باعامىن تۇراقتاندىرۋ ٷشٸن قوسىمشا شارالار قابىلدايدى, – دەدٸ قاسىم-جومارت توقاەۆ.
سونىمەن قاتار ۇلتتىق بانككە قارجى نارىعىن رەتتەۋ جەنە دامىتۋ اگەنتتٸگٸمەن بٸرلەسٸپ, كەپٸلسٸز تۇتىنۋ نەسيەسٸنە قاتىستى مەسەلەنٸ ۇدايى باقىلاۋدا ۇستاۋ جٶنٸندە تاپسىرما بەرٸلدٸ. مەملەكەت باسشىسى قارجى ۇيىمدارىنىڭ جۇمىسىن اشىق جٷرگٸزۋدٸ ماڭىزدى مٸندەت دەپ سانايدى. بۇل مەسەلە جالعان لومباردتار مەن ميكروقارجىلىق ۇيىمداردىڭ الاياقتىق ٸس-ەرەكەتتەرٸ ٷدەي تٷسۋٸنە بايلانىستى ٶتە ٶزەكتٸ بولىپ وتىر.
– لومباردتار مەن باسقا دا قارجى ۇيىمدارىنىڭ جۇمىسىنا تەكسەرۋ جٷرگٸزٸپ, اتالعان سالاداعى جاعداي تۋرالى اقپارات بەرۋدٸ تاپسىردىم. بۇل جۇمىستى جىلدامداتۋ كەرەك. تەكسەرۋلەردٸڭ قورىتىندىسى نەگٸزٸندە قارجى نارىعىن رەتتەۋ جەنە دامىتۋ اگەنتتٸگٸنە باس پروكۋراتۋرامەن بٸرلەسٸپ, اتالعان سالانى رەتتەۋ جۇمىستارىن جٷيەلٸ تٷردە جٷرگٸزۋ جەنە تۇتىنۋشىلاردىڭ قۇقىعىن قورعاۋ جٶنٸندە ۇسىنىس ەنگٸزۋدٸ تاپسىرامىن, – دەدٸ پرەزيدەنت.
پاندەمييا كەزٸندەگٸ ەلەمدٸك ٷردٸستەر مەن ەلٸمٸزدەگٸ جاعداي قارجى سالاسىنا زاماناۋي تەحنولوگييالاردى ەنگٸزۋ قاجەتتٸگٸن كٶرسەتتٸ.
وسىعان وراي قاسىم-جومارت توقاەۆ ۇلتتىق بانككە ٷكٸمەتپەن جەنە «استانا» حالىقارالىق قارجى ورتالىعىمەن بٸرلەسٸپ, 2025 جىلعا دەيٸنگٸ قارجى تەحنولوگيياسى مەن يننوۆاتسيياسىن دامىتۋدىڭ تۇجىرىمداماسىن بەكٸتۋدٸ تاپسىردى. سونىمەن قاتار ەكونوميكا مەن بيزنەسكە بەلسەندٸ نەسيەلەۋ بويىنشا قولداۋ كٶرسەتۋ – ۇلتتىق بانكتٸڭ ماڭىزدى مٸندەتٸ.
– سوڭعى ٷش جىلدا ەكونوميكانى نەسيەلەۋدٸڭ ٶسٸمٸ اسا بايقالمادى. بانكتەر جۇمىس بارىسىندا بارىنشا قولايلى جەنە تيٸمدٸ جاعداي ۇسىنا وتىرىپ, ەربٸر كليەنت ٷشٸن بەلسەندٸ كٷرەسپەيدٸ. سونىمەن قاتار قازٸرگٸ جاعدايدا بيزنەسكە قارجى رەسۋرسى قاجەت جەنە ونى جىلدام الۋى كەرەك. سوندىقتان قارجى نارىعىن رەتتەۋ جەنە دامىتۋ اگەنتتٸگٸ ۇلتتىق بانكپەن بٸرلەسٸپ, ەكونوميكانى, شاعىن جەنە ورتا بيزنەستٸ نەسيەلەۋدٸ ارتتىرۋ بويىنشا ناقتى شارالار قابىلداۋى قاجەت, – دەدٸ پرەزيدەنت.
جيىن سوڭىندا مەملەكەت باسشىسى ۇلتتىق بانكتٸڭ جاڭا قونىسىنداعى جۇمىسىنا تابىس تٸلەدٸ. پرەزيدەنت ۇلتتىق بانكتٸڭ كٶشٸپ كەلۋٸ ەلورداداعى قارجى سەكتورىن كٷشەيتٸپ, ٷكٸمەتپەن جەنە «استانا» حالىقارالىق قارجى ورتالىعىمەن اراداعى جۇمىسىنىڭ ٷيلەسٸمدٸلٸگٸن ارتتىراتىنا سەنٸم بٸلدٸردٸ.
