قازاقستان پرەزيدەنتٸ سەمەيدەگٸ جەدەل مەديتسينالىق جەردەم اۋرۋحاناسىنا باردى

قازاقستان پرەزيدەنتٸ سەمەيدەگٸ جەدەل مەديتسينالىق جەردەم اۋرۋحاناسىنا باردى, دەپ حابارلايدى "ۇلت اقپارات" اقورداعا سٸلتەمە جاساپ.

مەملەكەت باسشىسىنا ٶڭٸردەگٸ دەنساۋلىق ساقتاۋ جٷيەسٸنٸڭ دامۋ بارىسى جٶنٸندە مەلٸمەت بەرٸلٸپ, وبلىستىڭ وسى سالادا جەتكەن جەتٸستٸكتەرٸ تۋرالى باياندالدى.

سونداي-اق, قازاقستان پرەزيدەنتٸ «100 مەكتەپ – 100 اۋرۋحانا» باعدارلاماسى اياسىندا سالىنعان كٶپ سالالى اۋرۋحانانىڭ جۇمىسىمەن تانىستى. قاسىم-جومارت توقاەۆقا مەديتسينالىق مەكەمەنٸڭ ەمدەۋ-ساۋىقتىرۋ, وتا جاساۋ بٶلمەلەرٸ كٶرسەتٸلٸپ, نەگٸزگٸ قىزمەت باعىتى جٶنٸندە مەلٸمەت بەرٸلدٸ.

جالپى اۋماعى 44,5 مىڭ شارشى مەتر بولاتىن اۋرۋحانادا 800-دەن استام قىزمەتكەر جۇمىس ٸستەيدٸ. بٸر ۋاقىتتا 345 ناۋقاستى قابىلداپ, العاشقى مەديتسينالىق قىزمەت كٶرسەتە الادى.

قازاقستان پرەزيدەنتٸ جەدەل مەديتسينالىق جەردەم اۋرۋحاناسىنىڭ قىزمەتكەرلەرٸمەن ەڭگٸمەلەسۋ بارىسىندا ٶڭٸردە مامانداندىرىلعان جوعارى تەحنولوگييالىق مەديتسينالىق مەكەمەلەردٸڭ, رەسپۋبليكالىق عىلىمي ورتالىقتاردىڭ بٶلٸمشەلەرٸن اشۋ جٶنٸندە اۋقىمدى جۇمىستار جٷرگٸزٸلٸپ جاتقانىن ايتتى. دەنساۋلىق ساقتاۋ سالاسىن تولىقتاي تسيفرلاندىرۋدىڭ ماڭىزدىلىعىنا توقتالدى.

سوڭىندا قازاقستان پرەزيدەنتٸ مەديتسينالىق مەكەمە ۇجىمىنا تابىس تٸلەدٸ.