مەملەكەت باسشىسى قاسىم-جومارت توقاەۆ اقوردادا ريم پاپاسى فرانتسيسكپەن كەزدەسۋ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەزدەسۋ الدىندا پونتيفيكتٸ پرەزيدەنت سارايىندا رەسمي قارسى الۋ رەسٸمٸ بولدى. قۇرمەت قاراۋىلى روتاسىنىڭ باستىعى راپورت بەرگەننەن كەيٸن ەكٸ ەلدٸڭ مەملەكەتتٸك ەنۇراندارى شىرقالدى. قاسىم-جومارت توقاەۆ پەن ريم پاپاسى قۇرمەت قاراۋىلىنىڭ الدىنان ٶتٸپ, ەكٸجاقتى كەلٸسسٶز جٷرگٸزۋ ٷشٸن «شىعىس» زالىنا باردى.
قاسىم-جومارت توقاەۆ كاتوليك شٸركەۋٸنٸڭ باسشىسىنا ٸلتيپات بٸلدٸرە وتىرىپ, قازاقستانعا كەلگەنٸ ٷشٸن ريزاشىلىعىن بٸلدٸردٸ.
– سٸزدٸڭ قازاقستانعا, جالپى ايتقاندا, ورتالىق ازييا ايماعىنا العاشقى اپوستولدىق ساپارىڭىز مەنٸڭ وتانداستارىمدى قاي دٸندٸ ۇستاناتىنىنا قاراماستان, زور قۋانىشقا بٶلەدٸ. سٸزدٸڭ بۇل ساپارىڭىزدى قايىرىمدىلىق پەن ەدٸلدٸك جولىنداعى رۋحاني كٶشباسشىلىقتىڭ جارقىن ٷلگٸسٸ رەتٸندە باعالايمىن. قاسيەتتٸ يوانن پاۆەلدٸڭ قازاقستانعا جاساعان تاريحي ساپارى 2001 جىلى قىركٷيەكتە, سول جىلعى 11 قىركٷيەكتە بٷكٸل ەلەمدٸ اۋىر كٷيزەلٸسكە تٷسٸرگەن اقش-تاعى تەررورلىق اكتٸدەن كەيٸن بولدى. ونىڭ سيمۆولدىق مەنٸ زور ەدٸ, – دەدٸ مەملەكەت باسشىسى.
پرەزيدەنت ريم پاپاسىنىڭ ساپارى حالىقارالىق ارەناداعى جاعدايدىڭ شيەلەنٸسۋٸ مەن ەلەمدەگٸ اۋىر گەوساياسي احۋال اياسىندا ٶتٸپ جاتقانىنا نازار اۋداردى.
قاسىم-جومارت توقاەۆ كاتوليك شٸركەۋٸ باسشىسىنىڭ قازاقستانعا كەلۋٸ جەنە ونىڭ ەلەمدٸك جەنە دەستٷرلٸ دٸندەر كٶشباسشىلارىنىڭ سەزٸنە قاتىسۋى ٶتە ماڭىزدى وقيعا ەكەنٸن اتاپ ٶتتٸ. پرەزيدەنتتٸڭ ايتۋىنشا, ريم پاپاسى بەيبٸتشٸلٸك پەن ٶزارا تٷسٸنٸستٸككە شاقىراتىن باستامالارعا سەبەپشٸ بولۋى مٷمكٸن.
ٶزارا سەنٸم مەن قۇرمەت كٶرسەتۋ جاعدايىندا ٶتكەن كەزدەسۋدە مەملەكەتٸمٸزدٸڭ باسشىسى مەن ريم پاپاسى كونفەسسيياارالىق كەلٸسٸم مەن دٸنارالىق ديالوگتى, قازاقستان مەن ۆاتيكان اراسىنداعى ىنتىماقتاستىقتىڭ دامۋ پەرسپەكتيۆالارىن ٸلگەرٸلەتۋدٸڭ ٶزەكتٸ مەسەلەلەرٸن تالقىلادى, سونداي-اق قازٸرگٸ زاماننىڭ سىن-قاتەرلەرٸ جٶنٸندە پٸكٸر الماستى.
