قاسىم-جومارت توقاەۆ يسلام ىنتىماقتاستىعى ۇيىمىنىڭ (يىۇ) عىلىم جەنە تەحنولوگييا جٶنٸندەگٸ ەكٸنشٸ سامميتٸنٸڭ اشىلۋ رەسٸمٸنە بەينە بايلانىس ارقىلى قاتىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
«عىلىم, تەحنولوگييا جەنە يننوۆاتسييا: جاڭا بەلەستەرگە جول اشۋ» اتتى تاقىرىپ بويىنشا ٶتكەن جيىنعا بٸرٸككەن اراب ەمٸرلٸكتەرٸ تٶراعالىق ەتتٸ.
قازاقستان پرەزيدەنتٸ يىۇ-نىڭ عىلىم جەنە تەحنولوگييا جٶنٸندەگٸ العاشقى سامميتٸنٸڭ تٶراعاسى رەتٸندە سٶز سٶيلەپ, بٸرٸككەن اراب ەمٸرلٸكتەرٸنە جەنە يىۇ باس حاتشىسىنا ۆيرتۋالدى سامميتتٸ ۇيىمداستىرعانى ٷشٸن بارلىق دەلەگاتسييانىڭ اتىنان العىس بٸلدٸردٸ.
قاسىم-جومارت توقاەۆ قازٸرگٸ جاھاندىق سىن-قاتەرلەر تۋرالى ايتا كەلٸپ, يىۇ مەملەكەتتەرٸ مەن جالپى ەلەمدٸ تۇراقتى ەرٸ ٶركەندەگەن بولاشاققا قول جەتكٸزۋ ٷشٸن ٷيلەسٸمدٸ ٸس-قيمىلدار جٷرگٸزۋگە شاقىردى.
مەملەكەت باسشىسى يسلام ەلەمٸ عىلىمي وي-سانانىڭ نەگٸزٸ بولعانىن ەسكە سالدى. ونىڭ پايىمداۋىنشا, ۇيىمنىڭ قازٸرگٸ تاريحي مٸندەتٸ ٶمٸردەن ٶتكەن ۇلى تۇلعالارعا قۇرمەت كٶرسەتە وتىرىپ, عىلىمي ٸلگەرٸلەۋ جولىمەن العا قادام باسۋ. پرەزيدەنت ۇلى ويشىل ەبۋ ناسىر ەل-فارابيدٸڭ 1150 جىلدىعىنىڭ اتاپ ٶتٸلۋٸنە وراي يىۇ-عا مٷشە ەلدەردٸڭ سىرتقى ٸستەر مينيسترلەرٸ كەڭەسٸنٸڭ 47-سەسسيياسىندا ارنايى قارار قابىلداعانى ٷشٸن ۇيىم مەملەكەتتەرٸنە العىس بٸلدٸردٸ.
قاسىم-جومارت توقاەۆ العاشقى سامميتتٸڭ استانا دەكلاراتسيياسى مەن 2026 جىلعا دەيٸنگٸ يىۇ باعدارلاماسىنىڭ جٷزەگە اسىرىلۋى ۇيىمدى ودان ەرٸ دامىتۋدىڭ ٶزەكتٸ ماقساتتارى مەن مٸندەتتەرٸن دەر كەزٸندە ايقىنداۋعا مٷمكٸندٸك بەرگەنٸن اتاپ ٶتتٸ. وسىعان بايلانىستى مەملەكەت باسشىسى بٸرقاتار ناقتى ۇسىنىس ايتتى.
پرەزيدەنت پاندەميياعا قارسى كٷرەستەگٸ ورتاق كٷش-جٸگەر تۋرالى ايتا كەلٸپ, ۆاكتسينالاردى ەدٸل بٶلۋگە جەنە ولاردى ساياسي قۇرال رەتٸندە پايدالانۋعا جول بەرمەۋگە شاقىردى.
پرەزيدەنت قازاقستاننىڭ كوروناۆيرۋس ٸندەتٸنە قارسى QazVac ۆاكتسيناسىن ەزٸرلەگەنٸ جەنە ونىڭ قازٸرگٸ ۋاقىتتا ددسۇ-دا ماقۇلداۋ رەسٸمٸنەن ٶتٸپ جاتقانى جٶنٸندە مەلٸمدەدٸ.
– قازاقستان يىۇ-عا مٷشە ەلدەرگە گۋمانيتارلىق كٶمەك رەتٸندە ٶز ۆاكتسيناسىن ۇسىنۋعا دايىن بولادى. سونىمەن قاتار بٸز QazVac ۆاكتسيناسىن يسلام ىنتىماقتاستىعى ۇيىمىنا مٷشە ٶزگە دە ەلدەردە ٶندٸرۋ مٷمكٸندٸگٸن قاراستىرا الامىز, – دەدٸ مەملەكەت باسشىسى.
قاسىم-جومارت توقاەۆ عىلىمي زەرتتەۋلەر مەن ەزٸرلەمەلەر بويىنشا كەشەندٸ ەرٸ زاماناۋي ينفراقۇرىلىمنىڭ بار ەكەنٸن اتاپ ٶتٸپ, عىلىمي جەتٸستٸكتەر مەن تەحنولوگييالاردى كەڭ تٷردە بٶلٸسۋگە دايىن ەكەنٸن جەتكٸزدٸ.
– بٸزدٸڭ اكادەمييالىق جەنە عىلىمي-زەرتتەۋ ينستيتۋتتارىمىزدىڭ فلاگمانى سانالاتىن نازارباەۆ ۋنيۆەرسيتەتٸ, سونداي-اق, Astana IT ورتالىعى جاساندى ينتەللەكت, Big Data جەنە كيبەر قاۋٸپسٸزدٸك سالالارىنداعى بٸرلەسكەن عىلىمي-زەرتتەۋ جۇمىستارى مەن تەجٸريبەلٸك-كونسترۋكتورلىق جوبالار ٷشٸن بازا قالىپتاستىرا الادى, – دەدٸ پرەزيدەنت.
مەملەكەت باسشىسى يىۇ-عا مٷشە ەلدەر ٷشٸن بٸلٸم بەرۋ جەنە عىلىمي زەرتتەۋلەر ساپاسىن ارتتىرۋ باستى باسىمدىققا اينالۋى قاجەت ەكەنٸن ايتتى. قاسىم-جومارت توقاەۆ 2025 جىلعا قاراي قازاقستان عىلىم سالاسىنىڭ قارجىلاندىرىلۋ ٷلەسٸن ٸشكٸ جالپى ٶنٸمنٸڭ 1 پايىزىنا, ال بٸلٸم بەرۋ ٸسٸندە 7 پايىزىنا دەيٸن ارتتىرۋدى كٶزدەپ وتىرعانىن جەتكٸزدٸ.
مەملەكەت باسشىسى يىۇ-عا مٷشە ەلدەردٸڭ ستۋدەنتتەرٸ ٷشٸن باكالاۆريات باعدارلاماسى بويىنشا وتاندىق وقۋ ورىندارىندا 100 گرانت بٶلۋگە دايىن ەكەنٸن مەلٸمدەدٸ.
قاسىم-جومارت توقاەۆ ٶز سٶزٸندە ەكونوميكانى تسيفرلاندىرۋ, مەملەكەتتٸك قىزمەت كٶرسەتۋ ساپاسىن جاقسارتۋ, تەڭٸزگە شىعاتىن جولى جوق دامۋشى ەلدەر توبىنا قولداۋ كٶرسەتۋ جۇمىستارىن جالعاستىرۋ مەسەلەسٸن دە كٶتەردٸ. سونىمەن قاتار كليماتتىڭ ٶزگەرۋٸنە قارسى كٷرەسكە جەنە قورشاعان ورتانى قورعاۋعا, كٶمٸرتەگٸنەن ادا ەكونوميكا قالىپتاستىرۋعا باعىتتالعان ەلٸمٸزدٸڭ كٷش-جٸگەرٸ تۋرالى ايتتى.
پرەزيدەنت ٶز سٶزٸندە ەلدەرٸمٸزدٸڭ كەلەشەگٸ عىلىمي-تەحنيكالىق جەنە يننوۆاتسييالىق دامۋ سالاسىنداعى جەتٸستٸكتەرگە بايلانىستى ەكەنٸنە سەنٸم بٸلدٸردٸ.
– يسلام ەلەمٸنٸڭ عىلىمي ەلەۋەتٸ زور دەگەن ورتاق پٸكٸردٸ قولدايمىز. الايدا ادام كاپيتالىن دامىتۋدا, ەسٸرەسە ساپالى بٸلٸم بەرۋ ٸسٸندەگٸ ينۆەستيتسييالاردىڭ كٶلەمٸن ارتتىرۋىمىز قاجەت. سونىمەن قاتار عىلىمي ىقپالداستىعىمىزدى نىعايتىپ, دامىتۋ ٶتە ماڭىزدى بولىپ وتىر. دەل وسى شارالاردىڭ ارقاسىندا يسلام ەلەمٸنٸڭ عىلىم مەن يننوۆاتسييا سالاسىنداعى ابىرويىن ارتتىرا الامىز, – دەدٸ مەملەكەت باسشىسى.
قازاقستان پرەزيدەنتٸ بٸرٸككەن اراب ەمٸرلٸكتەرٸنٸڭ ٷكٸمەتٸن جەنە حالقىن ەل تەۋەلسٸزدٸگٸنٸڭ 50 جىلدىعىمەن جەنە «ەل-امال» سپۋتنيگٸنٸڭ مارس وربيتاسىنا سەتتٸ شىعۋىمەن قۇتتىقتادى. سونداي-اق مەملەكەت باسشىسى بۇل جەتٸستٸكتٸڭ بارشا يسلام ەلەمٸ ٷشٸن اسا ماڭىزدى ەكەنٸن اتاپ ٶتتٸ.
