قازاقستان پرەزيدەنتٸ قاسىم-جومارت توقاەۆ اقتٶبە وبلىسىنىڭ جۇرتشىلىعىمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى جيىنعا قاتىسۋشىلاردى اقتٶبە قالاسىنىڭ الداعى 150 جىلدىق مەرەيتويىمەن قۇتتىقتاپ, بٷگٸندە ٶڭٸردٸڭ ٶندٸرٸستٸك, لوگيستيكالىق جەنە ترانزيتتٸك ەلەۋەتٸ زور ەكەنٸن ايتتى.
– ايماقتىڭ قارقىندى دامۋى ٷشٸن بارلىق مٷمكٸندٸك بار. جەرگٸلٸكتٸ كەسٸپكەرلەردٸڭ بەلسەندٸلٸگٸن اتاپ ٶتۋ كەرەك. «تۋعان جەر» باعدارلاماسى اياسىندا 1400-دەن استام جوبا ٸسكە اسىرىلدى. بۇدان بٶلەك, شەتەلدٸك ينۆەستورلار ٶڭٸردە ەلەۋمەتتٸك نىساندار سالۋعا بەلسەندٸ اتسالىسۋدا, – دەدٸ قاسىم جومارت توقاەۆ.
قازاقستان پرەزيدەنتٸ حالىقتىڭ ٶمٸر سٷرۋ ساپاسىن ارتتىرۋ جەنە ەلەۋمەتتٸك-ەكونوميكالىق ٶسٸمدٸ قامتاماسىز ەتۋ ٷكٸمەت پەن ەكٸمدەردٸڭ نەگٸزگٸ مٸندەتٸ ەكەنٸن ايتتى.
– ازاماتتارعا قاجەتتٸ جاعداي جاساۋ بارلىق دەڭگەيدەگٸ مەملەكەتتٸك ورگانداردىڭ مٸندەتٸنە اينالۋى تيٸس. مەملەكەتتٸڭ باستى بايلىعى – ازاماتتار! ولاردىڭ تٸلەكتەرٸن ەسكەرٸپ, تولعاندىرعان مەسەلەلەرٸن شەشۋ ٷكٸمەتتٸڭ نەگٸزگٸ قاعيداتى بولۋى تيٸس, – دەدٸ مەملەكەت باسشىسى.
قاسىم-جومارت توقاەۆ جۇرتشىلىقپەن كەزدەسۋٸندە ٶڭٸردٸڭ بٸرقاتار شەشٸلمەگەن مەسەلەلەرٸن دە اتاپ ٶتتٸ.
– وبلىستاعى ورتاشا جالاقىنىڭ كٶلەمٸ – 141 مىڭ تەڭگە, ال رەسپۋبليكا بويىنشا 168 مىڭ تەڭگە. بۇدان بٶلەك, بٸرقاتار اۋدان تۇرعىندارىنىڭ تابىس كٶلەمٸندە ايتارلىقتاي ايىرماشىلىق بار. لايىقتى جالاقى – حالىقتىڭ ەل-اۋقاتىنا ىقپال ەتەتٸن ماڭىزدى فاكتور. سوندىقتان, ازاماتتارىمىزدىڭ تابىسىن ارتتىرۋ ەرقاشان مەنٸڭ باستى نازارىمدا بولادى. تۇرعىنداردىڭ تابىس كٶلەمٸ وبلىس ەكٸمدٸكتەرٸنٸڭ جۇمىس كٶرسەتكٸشٸنە اينالۋى تيٸس, – دەدٸ قازاقستان پرەزيدەنتٸ.
مەملەكەت باسشىسى ٷكٸمەتكە جەنە جەرگٸلٸكتٸ اتقارۋشى ورگاندارعا ساپالى ەرٸ قولجەتٸمدٸ تۇرعىن ٷي سالۋدى, حالىقتىڭ تابىسىن ارتتىرۋدى, ٸسكەرلٸك بەلسەندٸلٸكتٸ قولداپ, ورتا تاپ قالىپتاستىرۋدى, سونداي-اق, ٶڭٸردٸڭ كٶلٸك-ترانزيتتٸك ەلەۋەتٸن دامىتۋ جٶنٸندە قاجەتتٸ شارالار قابىلداۋدى تاپسىردى.
قاسىم-جومارت توقاەۆ ەل ەكونوميكاسىنداعى شاعىن جەنە ورتا بيزنەستٸڭ ٷلەسٸن 2050 جىلعا دەيٸن 50 پايىزعا ارتتىرۋ تۋرالى ەلباسىنىڭ مٸندەتتەمەسٸن ەسكە سالىپ, الداعى بەس جىلدا بۇل كٶرسەتكٸشتٸڭ 30 پايىزعا جەتۋٸ تيٸس ەكەنٸن ايتتى.
– وبلىس ەكٸمٸنە «بيزنەستٸڭ جول كارتاسى – 2025» رەسپۋبليكالىق باعدارلاماسىنىڭ اياسىندا جٷيەلٸ شارالار قابىلداۋدى تاپسىرامىن. بيىلدان باستاپ وعان بٶلٸنەتٸن قارجى 30 ميلليارد تەڭگەگە ٶستٸ. كەسٸپكەرلەر ٶز ٸسٸن دامىتۋ ٷشٸن بەرٸلەتٸن ميكرونەسيەلەردٸ كەدەرگٸسٸز الۋى تيٸس. بٸز ولارعا جان-جاقتى قولداۋ كٶرسەتٸپ, بولاشاعى بار ەر جوباعا كٶڭٸل بٶلۋٸمٸز قاجەت, – دەدٸ قاسىم-جومارت توقاەۆ.
سونىمەن قاتار, قازاقستان پرەزيدەنتٸ ٶڭٸردەگٸ تسيفرلاندىرىلۋ دەڭگەيٸنٸڭ تٶمەن, اۋىلدارداعى ينتەرنەت شەكتەۋلٸ ەكەنٸن ايتىپ, ەلدٸ مەكەندەردٸ دامىتۋ جٶنٸندە بٸرقاتار مٸندەت قويدى.
– اگروٶنەركەسٸپ سەكتورى – ٶڭٸردٸڭ ەلەۋمەتتٸك-ەكونوميكالىق دامۋىنىڭ نەگٸزگٸ ارقاۋى. اقتٶبە وبلىسى – جەرٸنٸڭ كٶلەمٸ جاعىنان ەلٸمٸزدەگٸ ٸرٸ ٶڭٸرلەردٸڭ بٸرٸ. ەكٸمدٸك اۋىل شارۋاشىلىعىن دامىتۋ ٷشٸن ناقتى جۇمىس جوسپارىن ەزٸرلەۋٸ تيٸس. ٶڭٸر ازىق-تٷلٸك قاۋٸپسٸزدٸگٸن قامتاماسىز ەتۋ ٸسٸندە ماڭىزدى رٶل اتقارۋى كەرەك, – دەدٸ قاسىم-جومارت توقاەۆ.
ٸس-شارا سوڭىندا قازاقستان پرەزيدەنتٸ كەسٸپكەر ب.قالماعانبەتوۆتٸ, ەڭبەك ارداگەرٸ س.قۇسايىنوۆانى, قازاق كامەرالىق حورىنىڭ كٶركەمدٸك جەتەكشٸسٸ ەرٸ ديريجەرٸ م.قۇسپانوۆتى, اقتٶبە فەرروقورىتپا زاۋىتىنىڭ اۆتوكٶلٸكتٸ پايدالانۋ جٶنٸندەگٸ شەبەرٸ ۆ. پلۋگيندٸ جەنە ەلەۋمەتتٸك قىزمەت كٶرسەتۋ ورتالىعىنىڭ مەدبيكەسٸ ل.مارشەنينانى العىس حاتتارمەن ماراپاتتادى.
