قازاقستان پرەزيدەنتٸ قاسىم-جومارت توقاەۆ 9 ايدا 112 796 شاقىرىم جول جٷردٸ. بۇل تۋرالى بٷگٸن اقوردادا ٶتكەن بريفينگتە قر پرەزيدەنتٸنٸڭ باسپاسٶز حاتشىسى بەرٸك ۋەلي ايتتى, دەپ حابارلايدى قازاقپارات.
ونىڭ اتاپ ٶتۋٸنشە, قر پرەزيدەنتٸ بيىلعى 20 ناۋرىزدان بەرٸ 45 زاڭعا, 226 جارلىققا, 68 ٶكٸمگە قول قويدى. پرەزيدەنتتٸڭ قاتىسۋىمەن ٶتكەن جيىندار بويىنشا 49 حاتتاما تولتىرىلعان.
«قازاقستان پرەزيدەنتٸ بيىلعى 9 ايدا 112 796 شاقىرىم جول جٷردٸ. وعان 181 ساعات 36 مينۋت ۋاقىت كەتكەن. قاسىم-جومارت كەمەلۇلى 2 قىركٷيەكتە قازاقستان پرەزيدەنتٸ رەتٸندە العاش رەت قازاقستان حالقىنا ارنالعان جولداۋىن جارييالادى. مەملەكەت باسشىسى زامان تالابىنا ساي مەملەكەت بولۋ ٷشٸن ازاماتتارىمىز بەن مەملەكەتٸمٸزدٸڭ مٷددەسٸنە سەيكەس جاڭعىرۋ ٷدەرٸسٸ بٸرتٸندەپ جٷزەگە اساتىنىن اتاپ ٶتتٸ. ساياسي رەفورمالاردى «اسىعىستىققا سالىنباي», كەزەڭ-كەزەڭٸمەن, جان-جاقتى ويلاستىرىپ ورىنداۋ قاجەتتٸگٸن ايتتى. جولداۋدا ەلٸمٸزدٸڭ ساياسي جٷيەسٸندە «كٷشتٸ پرەزيدەنت – ىقپالدى پارلامەنت – ەسەپ بەرەتٸن ٷكٸمەت» فورمۋلاسى مەملەكەت تۇراقتىلىعىنىڭ نەگٸزٸ سانالاتىنىنا باسا مەن بەرٸلدٸ. سونداي-اق, قاسىم-جومارت كەمەلۇلى ازاماتتاردىڭ ٶتٸنٸش-تٸلەكتەرٸن جەدەل ەرٸ تيٸمدٸ قاراستىراتىن «حالىق ٷنٸنە قۇلاق اساتىن مەملەكەت» تۇجىرىمداماسىن ٸسكە اسىرۋ بەرٸمٸزگە ورتاق مٸندەت ەكەنٸن بەلگٸلەپ بەردٸ», - دەدٸ بەرٸك ۋەلي.
ونىڭ ايتۋىنشا, مەملەكەت باسشىسىنىڭ تاپسىرماسىمەن قر پرەزيدەنتٸ ەكٸمشٸلٸگٸندە ٶتٸنٸشتەردٸ قاراۋدى باقىلاۋ بٶلٸمٸ جەنە پرەزيدەنتتٸڭ ۆيرتۋالدى قابىلداۋى اشىلدى. جالپى بۇل بٶلٸمگە 1 تامىزدان بەرٸ 15 669 ٶتٸنٸش تٷستٸ, ونىڭ 4025-ٸ ۆيرتۋالدى قابىلداۋ ارقىلى كەلگەن. كەلٸپ تٷسكەن ٶتٸنٸشتەردٸڭ بەرٸنە ۋاقتىلى ەرٸ تيٸستٸ جاۋاپ بەرٸلدٸ.
«مەملەكەت باسشىسى ناۋرىز ايىنىڭ سوڭىندا ەكٸمدەر مەن مينيسترلەردٸڭ بەرٸنە ەلەۋمەتتٸك جەلٸلەرگە تٸركەلۋدٸ مٸندەتتەدٸ. بۇل قاسىم-جومارت كەمەلۇلىنىڭ «حالىق ٷنٸنە قۇلاق اساتىن مەملەكەت» تۇجىرىمداماسىنىڭ ورىندالىپ جاتقانىن دەلەلدەيدٸ», - دەدٸ ول.
