قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ 109-شى حالىقارالىق ەڭبەك كونفەرەنتسيياسىنىڭ پلەنارلىق وتىرىسىندا بەينەٷندەۋ جاسادى, دەپ حابارلايدى "ۇلت اقپارات".
«قازاقستان حالىقارالىق ەڭبەك ۇيىمىنىڭ (بۇدان ەرٸ – حەۇ) عاسىر دەكلاراتسيياسىنىڭ ەڭبەك سالاسىنىڭ بولاشاعى تۋرالى بەيٸلدٸلٸگٸن راستايدى جەنە باس ديرەكتوردىڭ «Covid كەزٸندەگٸ ەڭبەك» اتتى بايانداماسىن قۇپتايدى. ول جۇمىس ورىندارىن, حالىقتىڭ تابىسىن ساقتاۋ جەنە ەكونوميكالىق ٶسۋدٸ جانداندىرۋ ٷشٸن تيٸستٸ جاھاندىق دەن قويۋ شارالارىن قابىلداۋ ماقساتىندا ۋاقتىلى, ٶزەكتٸ ەرٸ قاجەت بولىپ تابىلادى.
پاندەمييا كەزەڭٸندە قازاقستان ٷكٸمەتٸ جۇمىسپەن قامتۋعا جەردەمدەسۋگە, كەسٸپكەرلٸكتٸ جانداندىرۋعا, تسيفرلاندىرۋعا جەنە اگروٶنەركەسٸپتٸك كەشەندٸ دامىتۋعا باعىتتالعان داعدارىسقا قارسى شارالاردى قابىلدادى.
2020 جىلى اتالعان شارالارعا 15 ملرد اقش دوللارىنان استام قاراجات بٶلٸندٸ.
پاندەمييا كەزەڭٸندە 1 ملرد اقش دوللارىنان استام سوماعا 4 ملن 600 مىڭ ازامات تابىسىنان ايىرىلۋ بويىنشا ەلەۋمەتتٸك تٶلەمدەر الدى, سونداي-اق بٸرجولعى ەلەۋمەتتٸك تٶلەمدەر اۋرۋ جۇقتىرعان مەديتسينا قىزمەتكەرلەرٸنە جەنە قايتىس بولعان مەديتسينا قىزمەتكەرلەرٸنٸڭ وتباسىلارىنا جالپى سوماسى 50 ملن اقش دوللارىنا جٷرگٸزٸلدٸ.
حالىقتىڭ ەلەۋمەتتٸك وسال توپتارىنان 1 ملن-نان استام ازامات 60 ملن اقش دوللارى سوماسىنا ازىق-تٷلٸك-تۇرمىستىق جيىنتىقتار الدى.
ەلەكتروندىق ٷكٸمەت پورتالى ارقىلى اتاۋلى ەلەۋمەتتٸك كٶمەككە ٶتٸنٸش بەرۋ تەتٸگٸ ٸسكە اسىرىلدى.
936 مىڭ ادامعا اتاۋلى ەلەۋمەتتٸك كٶمەك كٶرسەتٸلدٸ, 218 مىڭ بالاعا جالپى سوماسى 214 ملن اقش دوللارىنا كەپٸلدٸك بەرٸلگەن ەلەۋمەتتٸك توپتاما ۇسىنىلدى.
ٶتكەن جىلى «جۇمىسپەن قامتۋدىڭ جول كارتاسى» داعدارىسقا قارسى باعدارلاماسى ٸسكە قوسىلدى, ونىڭ اياسىندا 239 مىڭ جۇمىس ورنى قۇرىلدى. ونى جٷزەگە اسىرۋعا 2 ملرد 400 ملن اقش دوللارى بٶلٸندٸ.
قابىلدانعان شارالاردىڭ نەتيجەسٸندە جۇمىسسىزدىق دەڭگەيٸ 4,9% قۇرادى, ونىڭ ٸشٸندە ەيەلدەر اراسىندا – 5,3%, جاستار اراسىندا – 3,8%.
جۇمىسپەن قامتۋ شارالارىمەن بيىل 1 ملن 200 مىڭ ادام قامتىلاتىن بولادى.
اعىمداعى جىلدان باستاپ جۇمىسپەن قامتۋدىڭ مەملەكەتتٸك باعدارلاماسىن ۇلتتىق جوباعا قايتا فورماتتاۋ جوسپارلانۋدا, وعان بەس باعىت – كەسٸبي جەنە اۋماقتىق ۇتقىرلىق, ٶنٸمدٸ جۇمىس ورىندارى, اۋىلداعى بيزنەس جەنە جۇمىسپەن قامتۋدى تسيفرلاندىرۋ كٸرەدٸ.
قازاقستاندا مٷگەدەكتٸگٸ بار ادامداردىڭ قۇقىقتارىن, ونىڭ ٸشٸندە لايىقتى ەڭبەك ەتۋ قۇقىعىن قامتاماسىز ەتۋ جٶنٸندەگٸ 2025 جىلعا دەيٸنگٸ ۇلتتىق جوسپار ٸسكە اسىرىلۋدا.
ٶتكەن جىلى «مٷگەدەكتٸگٸ بار ادامدارعا ۇسىنىلاتىن كەسٸپتەر مەن ساباقتاردىڭ اتلاسى» ەزٸرلەندٸ جەنە مٷگەدەكتٸگٸ بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرٸن ٶز بەتٸنشە تاڭداۋعا مٷمكٸندٸك بەرەتٸن ەلەۋمەتتٸك قىزمەتتەر پورتالى ەنگٸزٸلدٸ.
2020 جىلعى مامىردا ەڭبەك زاڭناماسىنا قىزمەتكەرلەردٸڭ ەڭبەك قۇقىقتارىن قورعاۋدى قامتاماسىز ەتۋ ٷشٸن كەسٸپوداقتاردىڭ رٶلٸن ارتتىرۋعا قاتىستى ٶزگەرٸستەر ەنگٸزٸلدٸ.
بيىل ٷكٸمەت, كەسٸپوداقتار مەن جۇمىس بەرۋشٸلەردٸڭ رەسپۋبليكالىق بٸرلەستٸكتەرٸ اراسىنداعى 2021-2023 جىلدارعا ارنالعان جاڭا باس كەلٸسٸمدە تاراپتاردىڭ بٸر-بٸرٸنٸڭ قىزمەتٸنە زاڭسىز ارالاسۋعا جول بەرمەۋ جٶنٸندەگٸ مٸندەتتەمە بەكٸتٸلگەن.
ەيەلدەردٸڭ ەڭبەگٸ شەكتەلەتٸن جۇمىستار تٸزٸمٸن جويۋ جەنە قاشىقتىقتان جۇمىس ٸستەۋدٸ قۇقىقتىق رەتتەۋدٸ جەتٸلدٸرۋ مەسەلەلەرٸ پىسىقتالۋدا.
قازٸرگٸ ۋاقىتتا «تولىق ەمەس جۇمىس ۋاقىتى جاعدايىنداعى جۇمىس تۋرالى» حەۇ № 175 كونۆەنتسيياسىنا قوسىلۋ بويىنشا جۇمىس جٷرگٸزٸلۋدە.
سوڭىندا قازاقستان ٷكٸمەتٸ حەۇ ستاندارتتارىنا سەيكەس ەلەۋمەتتٸك-ەڭبەك ساياساتىن جەتٸلدٸرۋ, ەلەۋمەتتٸك ەدٸلەتتٸلٸك پەن لايىقتى ەڭبەكتٸ قامتاماسىز ەتۋ جٶنٸندەگٸ جۇمىستى جالعاستىراتىنىن اتاپ ٶتكٸم كەلەدٸ», – دەدٸ سەرٸك شەپكەنوۆ بەينە حابارلامادا.
ەستەرٸڭٸزگە سالا كەتەيٸك, حالىقارالىق ەڭبەك كونفەرەنتسيياسى حەۇ-نىڭ شەشٸم قابىلداۋدىڭ جوعارى ورگانى بولىپ تابىلادى. ول جىل سايىن حەۇ-عا مٷشە 187 مەملەكەتتەن ٷشجاقتى دەلەگاتسييالاردىڭ باسىن قوسۋ جولىمەن ٶتكٸزٸلەدٸ.
