باستى رٶلدٸ سامال ەسلياموۆا سومداعان, رەجيسسەر سەرگەي دۆورتسەۆويدىڭ «ايكا» كارتيناسىن امەريكا كينواكادەميياسى قازاقستان اتىنان «وسكار» جٷلدەسٸنە ٶتكٸزبەگەنٸ قىركٷيەك ايىندا بەلگٸلٸ بولعان.
مەدەنيەت جەنە سپورت مينيسترلٸگٸ بۇل قورىتىندى رەسمي شەشٸم ەمەس ەكەنٸن بٸلدٸرٸپ, ەلٸ دە تيٸستٸ جۇمىستار ٸستەلەتٸنٸن ەسكەرتكەن ەدٸ.
وسى ورايدا مينيستر ارىستانبەك مۇحامەديۇلى "ايكا" فيلمٸنٸڭ «وسكار» جٷلدەسٸنٸڭ لونگ-پاراقشاسىنا قالاي ٶتكەنٸ جايلى ٶز پٸكٸرٸن بٸلدٸردٸ.
«ايكا» فيلمٸنٸڭ قازاقستان اتىنان «وسكار» جٷلدەسٸنە ۇسىنىلۋى - ساپاسى مەن باسقاداي تالاپتار بويىنشا دا لايىقتى دٷنيە سانالادى.
دەيتۇرساق تا كينواكادەمييا ديرەكتسيياسى تاراپىنان وسى كارتينانى تٷسٸرگەن رەجيسسەر سەرگەي دۆورتسەۆويعا قاتىستى بٸراز ساۋالدار تۋىنداعان. ونىڭ شىمكەنت قالاسىندا تۋىپ, كەيٸن رەسەيگە قونىس اۋدارىپ, ازاماتتىعىن اۋىستىرعانى تۋرالى مەلەمەت كەرٸ ەسەرٸن تيگٸزگەن سىڭايلى.
وسىنداي سەبەپپەن امەريكالىق كينەماتوگرافييالىق ٶنەر جەنە عىلىم اكادەميياسى بٸزدٸڭ ەلدٸڭ اتىنان تٷسكەن ٶتٸنٸشتٸ قابىل المادى. سەبەبٸ, بۇل كارتينادا ولاردىڭ ويىنشا ۇلتتىق مازمۇننىڭ 50% دەڭگەيٸ جوق كٶرٸنەدٸ.
- قالاي دەگەنمەن «ايكا» فيلمٸ قازاقستان اتىنان «وسكار» جٷلدەسٸنٸڭ لونگ-پاراقشاسىنا ەنزٸگٸلدٸ. سونىمەن قاتار «ٷزدٸك شەتەلدٸك فيلم» نوميناتسيياسى بويىنشا دا اتالىمعا ەندٸ. وسىنىڭ الدىندا امەريكالىق كينواكادەمييا «ايكا» كارتيناسىنا قارسىلىق تانىتىپ ەدٸ, سونى قالاي رەتتەدٸڭٸزدەر?
- و باستا «ايكا» كارتيناسىن ۇسىنعاندا, بٸزدٸڭ ٶتٸنٸشٸمٸزگە وراي قانداي كٶزقاراس تۋىنداعانىن ٶزدەرٸڭٸز جاقسى بٸلەسٸزدەر. وسى ورايدا شىعارماشىلىق جەنە تٷسٸرٸلٸم توبىنىڭ ٷلەسٸ جاعىنان قازاقستاندىقتاردىڭ باسىم ەكەنٸن دەلەلدەۋٸمٸز كەرەك بولدى. نەگٸزگٸ جٷكتٸ كٶتەرگەندەر ٶز ەلٸمٸزدٸڭ تٷلەكتەرٸ: پروديۋسەر گٷلنەر سەرسەنوۆا, باستى رٶلدٸ سومداعان سامال ەسلياموۆا جەنە كومپوزيتور رۋستام گويپوۆ بولدى.
بٸرٸنشٸ - باس رەجيسسەر سەرگەي دۆورتسەۆويدىڭ قازاقستاندا تۋىپ, وقىعانى جەنە وسىندا ٶزٸنٸڭ بٸرتالاي كينوتۋىندىلارىن دٷنيەگە ەكەلٸپ, شىعارماشىلىق جاعىنان قالىپتاسقانىن, سونداي-اق ەلٸ كٷنگە دەيٸن ونىڭ اناسىنىڭ شىمكەنت قالاسىندا تۇرىپ جاتقانىن دا الدىعا تارتتىق. ەكٸنشٸدەن – وسى فيلمگە ات سالىسقان ازاماتتاردى تولىق اتاپ كٶرسەتتٸك. سونىمەن شىعارماشىلىق توپتىڭ 60%-ىن وتانداستار قۇرادى.
وسىعان وراي امەريكالىق كينواكادەميياعا تاعى دا حات جولدادىق. قورىتىندىسىندا «ايكا» كارتيناسىنىڭ قازاقستاندىق مازمۇندى فيلم ەكەنٸن دەلەلدەپ, «وسكار» جٷلدەسٸنٸڭ شەت ەلدٸك فيلمدەر اتالىمى بويىنشا كەلەسٸ جىلعى لونگ-پاراقشاسىنا ٸلٸندٸك.
ايتا كەتۋ كەرەك, «وسكار» جٷلدەسٸنە ەرتٷرلٸ نوميناتسييالار بويىنشا 150-دەن استام ٶتٸنٸش تٷسكەن ەكەن. كٶركەمدٸك ساپاسى بويىنشا بٸزدٸڭ فيلم تاڭداۋ شارتتارىنا تولىق سەيكەس كەلەدٸ. «ايكا» فيلمٸ تۋرالى اقپارات جٷلدە تاعايىنداۋ كوميتەتٸنٸڭ سايتىنا ورنالاستىرىلعان – دەپ اتاپ ٶتتٸ ارىستانبەك مۇحامەديۇلى.
