مىسىر تاراپىنىڭ شاقىرۋىمەن 2021 جىلدىڭ 5-7 اقپانى ارالىعىندا قازاقستان – مىسىر ساۋدا-ينۆەستيتسييالىق بيزنەس فورۋمى ٶتتٸ, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
قر سىرتقى ٸستەر مينيسترٸنٸڭ ورىنباسارى الماس ايداروۆ باستاعان دەلەگاتسييانى ەلٸمٸزدٸڭ 13 ٶڭٸرٸنەن بارعان 60-تان استام قازاقستاندىق كومپانييا, سونداي-اق مەملەكەتتٸك ورگاندار مەن كۆازيمەملەكەتتٸك قۇرىلىمداردىڭ ٶكٸلدەرٸ تانىستىردى. فورۋمعا مىسىر تاراپىنان ٸسكەرلٸك قوعامداستىقتىڭ 200-دەن استام ٶكٸلٸ, سونداي-اق سىرتقى ٸستەر مينيسترٸنٸڭ ورىنباسارى تاريك ەل-ۋاسيمي, وڭتٷستٸك سيناي پروۆينتسيياسىنىڭ گۋبەرناتورى حالەد فۋدا, مىسىر ساۋدا پالاتالارى فەدەراتسيياسىنىڭ باسشىسى يبراحيم ەل-ارابي قاتىستى.
ەسكە سالا كەتسەك, 2019 جىلعى 6 ناۋرىزدا نۇر-سۇلتان قالاسىندا قازاقستان-مىسىر بيزنەس-فورۋمى ٶتتٸ, وعان ەكٸ ەلدٸڭ 100-دەن استام بيزنەس ٶكٸلدەرٸ قاتىستى.
قازاقستان ەلشٸسٸ قايرات لاما شاريفتٸڭ ايتۋىنشا, قوس تاراپ ەكٸ ەل اراسىنداعى ساۋدا-ەكونوميكالىق جەنە ينۆەستيتسييالىق بايلانىستاردىڭ دەڭگەيٸن ودان ەرٸ ارتتىرۋ ٷشٸن ٶزارا ٸس-قيمىلدىڭ بارلىق باعىتتارى بويىنشا ىنتىماقتاستىقتى ارتتىرۋعا نيەتتٸ.
«قازاقستان مىسىردى افريكانىڭ «قاقپاسى» رەتٸندە قاراستىرا وتىرىپ, ەكٸجاقتى ٸسكەرلٸك كەڭەس پەن ساۋدا-ەكونوميكالىق ىنتىماقتاستىق جٶنٸندەگٸ ٷكٸمەتارالىق كوميسسييانىڭ كٶمەگٸمەن ەكسپورتتى ارى قاراي ٸلگەرٸلەتۋگە دايىن. ەۋرازييالىق ەكونوميكالىق وداققا مٷشە ەلدەر مەن مىسىر اراسىنداعى ەركٸن ساۋدا تۋرالى كەلٸسٸمگە قول قويۋ قازاقستاندىق ٶنٸم ەكسپورتىن ۇلعايتۋعا قوسىمشا سەرپٸن بەرەدٸ, بۇل حالقى 100 ميلليون ادامنان اساتىن مىسىر نارىعىنا جول اشادى», – دەپ اتاپ ٶتتٸ قايرات لاما شاريف.
فورۋمداعى بايانداماشىلاردىڭ پٸكٸرٸنشە, ٶنٸمنٸڭ قىمباتتاۋى جەنە ەكٸ ەل اراسىنداعى ساۋدا قارقىنىنىڭ بٸرشاما باياۋلاۋى مەملەكەتتەردٸڭ گەوگرافييالىق الىستىعىنا دا بايلانىستى. الايدا, قازاقستاننىڭ ساۋدا جەنە ينتەگراتسييا ۆيتسە-مينيسترٸ قايرات تٶرەباەۆ اتاپ ٶتكەندەي, وسىعان قاراماستان, قازاقستان تاراپى ەكٸجاقتى تاۋار اينالىمىن 4 ەسەگە جۋىق ۇلعايتۋعا مٷمكٸندٸكتٸ كٶرٸپ تۇر.
«بۇل تۇرعىدا وتاندىق كومپانييالار 300 ميلليون اقش دوللارىنا جۋىق سوماعا ساپالى تاۋارلار ۇسىنا الادى. ازىق-تٷلٸك قاۋٸپسٸزدٸگٸن قامتاماسىز ەتۋ ماقساتىندا مىسىرلىق كومپانييالار ٶزدەرٸنٸڭ ەكسپورتقا باعدارلانعان ٶندٸرٸستەرٸن قازاقستاندا ورنالاستىرا الادى. بۇل باعىت ٷشٸن مۇنداي جوبالاردى جەڭٸلدٸكپەن كرەديتتەۋ, ەكسپورتتىق كەلٸسٸمشارتتاردى ساقتاندىرۋ, تاۋارلاردى تاسىمالداۋعا جەنە سەرۆيستٸك قولداۋعا ارنالعان شىعىنداردى ٶتەۋ كٶزدەلگەن. بۇدان باسقا, جاقىن ارادا قازاقستان وتاندىق ٶنٸمدٸ شەتەلدٸك ساتىپ الۋشىلار ٷشٸن پايىزدىق مٶلشەرلەمەنٸ CIRR دەڭگەيٸندە سۋبسيدييالايتىن بولادى. باسقاشا ايتقاندا, بۇل كٶرسەتكٸش اي سايىن نەگٸزدە ەكونوميكالىق ىنتىماقتاستىق جەنە دامۋ ۇيىمىنىڭ حاتشىلىعى بەلگٸلەيتٸن پايىزدىق مٶلشەرلەمە بويىنشا سانالادى», – دەپ اتاپ ٶتتٸ ۆيتسە-مينيستر.
وسى باعىتتاعى جۇمىستى جانداندىرۋ مىسىر سىرتقى ٸستەر مينيسترٸنٸڭ قازاقستانعا الداعى العاشقى رەسمي ساپارىمەن جەنە ەكٸ ەل اراسىندا كەزەكتٸ ساياسي جەنە كونسۋلدىق كونسۋلتاتسييالار ٶتكٸزۋمەن بايلانىستى. بۇل تۋرالى ٶز سٶزٸندە مىسىر سىرتقى ٸستەر مينيسترٸنٸڭ ورىنباسارى ت. ەل-ۋاسيمي ايتتى.
ٸس-شارا بارىسىندا «قازاقستاندا جاسالعان» ەمبەباپ كٶرمەسٸ ۇيىمداستىرىلدى, وندا قوناقتاردىڭ نازارىنا وتاندىق ٶندٸرۋشٸلەردٸڭ, ونىڭ ٸشٸندە افريكا قۇرلىعىنا ەكسپورتتايتىن كومپانييالاردىڭ ٶنٸمدەرٸ ۇسىنىلدى. سونىمەن قاتار, وتاندىق جەنە مىسىرلىق كومپانييالار اراسىندا ەكٸجاقتى بيزنەسارالىق (ۆ2ۆ) كەلٸسسٶزدەر جٷرگٸزٸلدٸ
ٸس-شارا قورىتىندىسى بويىنشا بٸرقاتار ەكونوميكالىق قۇجاتتارعا قول قويىلدى. وسىلايشا, قازاقستاندىق كومپانييالار مىسىر نارىعىنا 3 ميلليونعا دەيٸن ۇلعايتۋ پەرسپەكتيۆاسىمەن 1 ميلليون دانا كٶلەمٸندە بٶتەلكەدەگٸ سۋدى جەتكٸزۋ, قازاقستاندىق كەسٸپورىن نەگٸزٸندە فارماتسەۆتيكالىق دەرٸ-دەرمەكتەردٸ شىعارۋ, سونداي-اق قازاقستان اۋماعىندا مىس كەن ورنىن ساتىپ الۋ تۋرالى ۋاعدالاستى.
اتالعان فورۋم مىسىرلىق كەسٸپكەرلەردٸڭ شيكٸزاتتىق ەمەس سەكتوردىڭ قازاقستاندىق تاۋارلارىنا قىزىعۋشىلىعىن قالىپتاستىرۋعا ىقپال ەتٸپ, وتاندىق تاۋار ٶندٸرۋشٸلەر مەن ەلەۋەتتٸ مىسىرلىق ساتىپ الۋشىلار مەن ينۆەستورلار اراسىندا تٸكەلەي بايلانىستاردى جولعا قويۋدى, ٶنٸمنٸڭ ساپالىق جەنە باعالىق كٶرسەتكٸشتەرٸ بويىنشا اقپارات الماسۋدى قامتاماسىز ەتتٸ. ەكٸ ەل اراسىندا تۇراقتى ساۋدا ميسسييالارى مەن كەزدەسۋلەردٸ ٶتكٸزۋ تۋرالى شەشٸم قابىلداندى.
