كاسپيي قۇبىر جەلٸسٸ كونتسورتسيۋمىنداعى اپات ەل بيۋدجەتٸنە ەسەر ەتپەيدٸ. بۇل تۋرالى ەكونوميست ايدارحان قۇساينوۆ «رەسەي ەسكەرٸنٸڭ ۋكرايناعا باسىپ كٸرۋٸنٸڭ قازاقستان ٷشٸن ەكونوميكالىق سالدارى» تاقىرىبىندا ٶتكەن پٸكٸرتالاستا ايتتى, دەپ حابارلايدى Baq.kz پورتالى.
ونىڭ ايتۋىنشا, كاسپيي قۇبىر جەلٸسٸ كونتسورتسيۋمىنداعى اپات ەل بيۋدجەتٸنە ەسەر ەتپەيدٸ. وعان قوسا مۇنايدى ەكسپورتتاۋ بويىنشا بۇل جەلٸنٸ تاڭداعان قازاقستان ٷكٸمەتٸ ەمەس.
"قۇبىر جەلٸسٸندە راسىمەن اپات بولدى, قازٸر جٶندەۋ جۇمىستارى جٷرٸپ جاتىر. بۇل - جاعىمسىز جاعداي, دەگەنمەن شىعىن كٶپ بولادى, بەرٸ بٸتتٸ دەۋگە كەلمەيدٸ. وعان قوسا بۇل بيۋدجەتتٸڭ تولىعۋىنا ەش ەسەر ەتپەيدٸ. بٸر نەرسەنٸ تٷسٸنٸپ العانىمىز جٶن. مۇنايدان تٷسەتٸن قاراجات الدىمەن ۇلتتىق قورعا قۇيىلادى, سودان كەيٸن بارىپ قانا بيۋدجەتكە اۋدارىلادى. قوردا قازٸر اقشا بار, سوندىقتان ول بيۋدجەتكە ٷزدٸكسٸز قۇيىلىپ وتىرادى", - دەدٸ ول.
سونىمەن قاتار ول قازاقستان مۇنايىن ەكسپورتتاۋ مەسەلەسٸنە قاتىستى ويىن بٸلدٸردٸ.
"قازٸر ەلمٸزدە ٶندٸرٸلەتٸن مۇنايدى ەكسپورتتاۋعا قاتىستى كٶپ ايتىلىپ جاتىر. مۇنايدى ەكسپورتتاۋ جولدارىنا قاتىستى كەلٸسسٶزدەرگە كەزٸندە ٶزٸم دە قاتىسقانمىن. بۇل جەردە ٷكٸمەتكە سىن ايتۋ دۇرىس ەمەس. مۇناي ٶندٸرۋشٸلەردٸڭ ٶزدەرٸ وسى جولدى تاڭداعان, ياعني كتك ارقىلى تاسيمىز, سول جەرگە ينۆەستيتسييا قۇيامىز دەگەن. كەلٸسسٶزدٸڭ بارلىعى مەردٸگەر كومپانييالارمەن جاسالعان جەنە بۇل - ولاردىڭ شەشٸمٸ. وعان بٸزدٸڭ بيلٸك قاتىسقان جوق", - دەدٸ قۇساينوۆ.
ەكونوميست سونداي-اق ۋكرايناداعى سوعىسقا بايلانىستى قازاقستان مۇنايىنا سانكتسييا سالىنبايتىنىن جەتكٸزدٸ.
"بۇل مۇناي بٸزدٸڭ جەردە ٶندٸرٸلگەنٸمەن, ول بٸزدٸكٸ ەمەس. ول ٶندٸرۋشٸ كومپانييالارعا تيەسٸلٸ, ياعني امەريكالىق شەۆرون, موبيل جەنە باسقالارىنا قارايدى. سوندىقتان وعان الاڭداۋعا نەگٸز جوق. بٸر سٶزبەن ايتقاندا مۇنايدى تاسىمالداۋ جەلٸلەرٸنٸڭ بٸزگە قاتىسى جوق جەنە مۇناي دا بٸزدٸكٸ بولىپ سانالمايدى", - دەدٸ ساراپشى.
