قازاقستان پارلامەنتٸ سەناتىنىڭ تٶراعاسى مەۋلەن ەشٸمباەۆ تەجٸكستان رەسپۋبليكاسىنا رەسمي ساپارمەن باردى. ساپار اياسىندا قازاقستان رەسپۋبليكاسىنىڭ پارلامەنتٸ سەناتى مەن تەجٸكستان رەسپۋبليكاسى ولي ماجليسٸنٸڭ ميللي ماجليسٸ اراسىنداعى ىنتىماقتاستىق جٶنٸندەگٸ تۇراقتى كوميسسييانىڭ العاشقى وتىرىسى ٶتتٸ, دەپ حابارلايدى "ۇلت اقپارات".
كوميسسييا جۇمىسى ەكٸ ەل پارلامەنتتەرٸ پالاتالارىنىڭ پارلامەنتارالىق ىنتىماقتاستىعىن نىعايتۋدى جەنە وسى باعىتتاعى ناقتى ٸستەردٸ قولعا الۋدى كٶزدەيدٸ. وسىعان بايلانىستى وتىرىس بارىسىندا دەپۋتاتتار بٸرقاتار پەرسپەكتيۆالىق باعىتتارعا نازار اۋداردى. اتاپ ايتقاندا, ەكٸ ەل دەپۋتاتتارىنىڭ مەدەني-گۋمانيتارلىق, ساۋدا-ەكونوميكالىق جەنە ينۆەستيتسييالىق سالالارداعى مەسەلەلەردٸ شەشۋگە ىقپال ەتۋٸ تۋرالى ۋاعدالاستىققا قول جەتكٸزٸلدٸ. سونداي-اق كٶشٸ-قون ساياساتى بويىنشا دا ٶزارا جەردەمدەسۋ مەسەلەسٸ سٶز بولدى.
كوميسسييا وتىرىسىندا مەۋلەن ەشٸمباەۆ قازاقستان مەن تەجٸكستان اراسىنداعى ستراتەگييالىق سەركتەستٸكتٸ ودان ەرٸ كەڭەيتۋدٸڭ جەنە نىعايتۋدىڭ ماڭىزدى ەكەنٸن ايتتى. سەنات تٶراعاسى بۇل رەتتە ەكٸ ەلدٸڭ پرەزيدەنتتەرٸ – قاسىم-جومارت توقاەۆ پەن ەمومالي راحموننىڭ ٶزارا قارىم-قاتىناسى مەن كەلٸسٸمدەرٸنٸڭ ايرىقشا مەنگە يە ەكەنٸن اتاپ ٶتتٸ. ٶز سٶزٸندە مەۋلەن ەشٸمباەۆ اتالعان كەلٸسسٶزدەردٸ ٸسكە اسىرۋ باعىتىندا پارلامەنتارالىق بايلانىستى بارىنشا ارتتىرۋ پارلامەنت دەپۋتاتتارىنىڭ مٸندەتٸ ەكەنٸن جەتكٸزدٸ. ول تاياۋدا قۇرىلعان ىنتىماقتاستىق جٶنٸندەگٸ تۇراقتى كوميسسييانىڭ بٸرٸنشٸ وتىرىسى سونىڭ ناقتى نەتيجەسٸ ەكەنٸن دە تٸلگە تيەك ەتتٸ.
«بٷگٸن بٸز پارلامەنتارالىق ىنتىماقتاستىقتى دامىتۋدىڭ 2022-2024 جىلدارعا ارنالعان جول كارتاسىنا قول قويدىق. وسىعان وراي الداعى ۋاقىتتا بٸزدٸڭ پالاتالارداعى تيٸستٸ كوميتەتتەردٸڭ دەلەگاتسييالارى ٶزارا تەجٸريبە الماسۋى ەكٸجاقتى بايلانىستى ارتتىرۋعا يگٸ ەسەرٸن تيگٸزەدٸ. سونىڭ ٸشٸندە جاستار جەنە ساراپتامالىق قۇرىلىمدار بويىنشا ىنتىماقتاستىقتىڭ كەلەشەگٸ زور. بۇل رەتتە سەنات جانىنداعى جاس ساراپشىلار كلۋبى مەن ميللي ماجليس جانىنداعى جاستار پارلامەنتٸ اراسىندا بايلانىس ورناتۋدىڭ بەرەرٸ مول دەپ ەسەپتەيمٸز. ودان بٶلەك, الداعى ۋاقىتتا سۋ رەسۋرستارىن تيٸمدٸ پايدالانۋ, ٶڭٸردەگٸ قاۋٸپسٸزدٸكتٸ قامتاماسىز ەتۋ جەنە باسقا دا مەسەلەلەر بويىنشا پارلامەنتشٸلەر اراسىندا بٸرقاتار «دٶڭگەلەك ٷستەلدەر» مەن ٸس-شارالار ٶتكٸزۋگە بولادى. ونىڭ بەرٸ ٶزارا پارلامەنتارالىق ىنتىماقتاستىقتى نىعايتىپ, ناقتى نەتيجەنٸ ارتتىرا تٷسەدٸ», – دەدٸ سەنات تٶراعاسى.
رەسمي ساپار بارىسىندا مەۋلەن ەشٸمباەۆ تەجٸكستان رەسپۋبليكاسىنىڭ پرەزيدەنتٸ ەمومالي راحمونمەن كەزدەستٸ.
سەنات تٶراعاسى تەجٸكستان باسشىسىنا قازاقستان پرەزيدەنتٸ قاسىم-جومارت توقاەۆتىڭ سەلەمٸ مەن باۋىرلاس ەلدٸڭ حالقىنا يگٸ تٸلەگٸن جەتكٸزدٸ. سۇحبات بارىسىندا مەۋلەن ەشٸمباەۆ قازاقستاندا قوعامدىق-ساياسي باعىتتا جٷرگٸزٸلٸپ جاتقان جٷيەلٸ رەفورمالارعا دا توقتالىپ ٶتتٸ.
«قازاقستاندا قاڭتار ايىندا بولعان قايعىلى وقيعالار ەلدە جٷيەلٸ جەنە ەلەۋلٸ ٶزگەرٸستەر قاجەت ەكەنٸن كٶرسەتٸپ بەردٸ. تاياۋدا قازاقستان پرەزيدەنتٸ قاسىم-جومارت توقاەۆ بيىلعى 5 ماۋسىمدا ەل كونستيتۋتسيياسىنا ٶزگەرٸستەر مەن تولىقتىرۋلار ەنگٸزۋ جٶنٸندە رەسپۋبليكالىق رەفەرەندۋم ٶتكٸزۋ تۋرالى جارلىققا قول قويدى. بٸزدٸڭ اتا زاڭىمىزعا ەنگٸزٸلەتٸن ٶزگەرٸستەر ەلدٸڭ ساياسي جٷيەسٸن ايتارلىقتاي ٶزگەرتۋدٸ كٶزدەيدٸ», – دەدٸ سەنات تٶراعاسى.
سونىمەن قاتار مەۋلەن ەشٸمباەۆ تەجٸكستان رەسپۋبليكاسى ولي ماجليسٸ ميللي ماجليسٸنٸڭ تٶراعاسى رۋستامي ەموماليمەن كەلٸسسٶزدەر جٷرگٸزدٸ. كەزدەسۋدە سەنات سپيكەرٸ قازاقستان پارلامەنتٸنٸڭ سەناتى تەجٸكستاننىڭ ميللي ماجليسٸمەن ىنتىماقتاستىقتى ودان ەرٸ ارتتىرۋعا مٷددەلٸ ەكەنٸنە تاعى بٸر مەرتە نازار اۋداردى. تاراپتار دەپۋتاتتاردىڭ ەكولوگييا, ترانسشەكارالىق ٶزەندەردٸڭ سۋلارىن پايدالانۋ جەنە باسقا دا ورتاق پروبلەمالاردى بٸرلەسٸپ شەشۋگە قاتىستى مەسەلەلەردٸ تالقىلادى.
سەنات تٶراعاسى تەجٸكستان رەسپۋبليكاسى ولي ماجليسٸ نامويانداگون ماجليسٸنٸڭ تٶراعاسى ماحمادتوير زوكيرزودامەن دە كەزدەستٸ. سونداي-اق تەجٸك-اۋعان شەكاراسىندا ەرلٸكپەن قازا تاپقان قازاقستاندىق جاۋىنگەرلەردٸڭ رۋحىنا تاعزىم ەتٸپ, بٸزدٸڭ شەكاراشىلارعا ارنالعان ەسكەرتكٸشكە گٷل شوعىن قويدى.
