قازاقستان مەن رەسەي شەكاراسىنداعى كٶلٸك كەپتەلٸسٸنە قاتىستى تٷسٸنٸك بەرٸلدٸ, دەپ حابارلايدى قازاقپارات.
قر قارجى مينيسترلٸگٸ حابارلاعانداي, كٶلٸك كەپتەلٸسٸ شەكارانىڭ رەسەي جاعىندا بولعان جەنە ونىڭ سەبەبٸ - كارانتين تالاپتارىنىڭ ەنگٸزٸلۋٸ.
«30 قازان كٷنٸ قازاقستان مەن رەسەي شەكاراسىندا كٶرشٸ ەل اۋماعىنداعى «بۋگريستوە» اۆتوموبيلدەردٸ ٶتكٸزۋ بەكەتٸندە كٶلٸك كەپتەلٸسٸ بولدى. قازاقستان جاعىندا كەپتٸلٸس بولعان جوق. كٶلٸك كەپتەلٸسٸ 30 قازاندا رەسەيدە ەنگٸزٸلگەن كارانتين تالاپتارىنا بايلانىستى. رەسەي فەدەراتسيياسىنىڭ قاۋلىسىنا سەيكەس 30 قازان مەن 7 قاراشا ارالىعى جۇمىس ەمەس كٷنٸ بولىپ بەكٸتٸلگەن. وسىعان بايلانىستى قازاقستاندىق جەنە رەسەيلٸك تاسىمالداۋشىلار بٸزدٸڭ ەلگە باعىت العان», - دەگەن حابار تاراتتى مينيسترلٸكتٸڭ باسپاسٶز قىزمەتٸ.
بەرٸلگەن اقپاراتقا سٷيەنسەك, شەكاراداعى «قايراق» اۆتوموبيلدەردٸ ٶتكٸزۋ بەكەتٸنەن رەسەي جاعىنان كٷن سايىن شامامەن 600 كٶلٸك ٶتەدٸ ەكەن.
ال 30 قازان كٷنٸ شەكارادان ٶتكەن كٶلٸكتەردٸڭ سانى 860-قا جەتكەن.
«30 قازان كٷنگٸ ساعات 16:00-دەگٸ جاعدايعا سەيكەس رەسەي جاعىنداعى جاعداي تۇراقتالدى. قازٸرگٸ ۋاقىتتا كٶلٸك كەپتەلٸسٸ جوق», - دەلٸنگەن حابارلامادا.
ودان بٶلەك, مينيسترلٸك ەاەو ەلدەرٸمەن شەكاراداعى مەملەكەتتٸك كٸرٸستەر ورگاندارى قوس (ەسكەري) ماقساتتاعى تاۋارلاردىڭ, تىيىم سالۋلار مەن شەكتەۋلەر ەنگٸزٸلگەن تاۋارلاردىڭ, سونداي-اق دسۇ-نى الۋ تٸزبەسٸنە ەنگٸزٸلگەن تاۋارلاردىڭ ٶتكٸزٸلۋٸنە قۇجاتتامالىق باقىلاۋدىڭ بارىن ەسكە سالادى.
اتالعان شارا 5 مينۋتتان اسپايدى جەنە كەپتٸلٸستٸڭ تۋىنداۋىنا ەش ەسەرٸ جوق.
