قازاقستان مەن رەسەي COVID-19-عا قارسى ۆاكتسينانى بٸرلەسە شىعارۋ مەسەلەسٸن پىسىقتاۋدا. بۇل تۋرالى قر دەنساۋلىق ساقتاۋ ۆيتسە-مينيسترٸ - باس مەملەكەتتٸك سانيتار دەرٸگەر ەرلان قيياسوۆ ايتتى, دەپ حابارلايدى قازاقپارات.
ايتا كەتەرلٸگٸ, كەشە قازاقستان پرەزيدەنتٸ قاسىم-جومارت توقاەۆ پەن رەسەي پرەزيدەنتٸ ۆلاديمير پۋتين تەلەفون ارقىلى سٶيلەسكەن بولاتىن. رف پرەزيدەنتٸنٸڭ رەسمي سايتى تاراتقان اقپاراتقا قاراعاندا, تاراپتار ەڭگٸمەلەسۋ بارىسىندا كوروناۆيرۋس پاندەميياسىمەن كٷرەس, ونىڭ ٸشٸندە قازاقستان اۋماعىندا بٸرلەسكەن ۆاكتسينا ٶندٸرٸسٸن ۇيىمداستىرۋ جوسپارى تالقىلانعان. ال بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا باق ٶكٸلدەرٸ ۆيتسە-مينيستردەن ۆاكتسينا ٶندٸرٸسٸنە قاتىستى جوسپار جايىندا سۇراعان ەدٸ.
«كەشە مەملەكەت باسشىلارى تەلەفون ارقىلى ەڭگٸمەلەسۋ بارىسىندا بۇل مەسەلەنٸ كٶتەردٸ. بٷگٸنگٸ كٷنٸ بۇل مەسەلە پىسىقتالۋدا. بۇل يدەيا بٸر كٷن بۇرىن عانا تۋعان ەدٸ. سوندىقتان دەل قازٸر ناقتى ەشتەڭە ايتا المايمىن», - دەپ جاۋاپ بەردٸ ەرلان قيياسوۆ.
بۇعان دەيٸن قر دەنساۋلىق ساقتاۋ ۆيتسە-مينيسترٸ - باس مەملەكەتتٸك سانيتارييالىق دەرٸگەر ەلٸمٸز كوروناۆيرۋسپەن كٷرەس ٷشٸن ساتىپ الىنۋى مٷمكٸن 3 ۆاكتسينانى اتاعان ەدٸ.
